ಮಂಗಳೂರು: ಮಾಂಡ್ ಸೊಭಾಣ್ ನಿಂದ ತ್ರಿವಳಿ ಕಾರ್ಯಕ್ರಮ

•   Tue, Jun 07 2022 10:49:44 AM



• ಮಂಗಳೂರು, ಜೂ 07(DaijiworldNews/MS): ಮಾಂಡ್ ಸೊಭಾಣ್ ತಿಂಗಳ ವೇದಿಕೆ ಸರಣಿ 246 ನೇ ಕಾರ್ಯಕ್ರಮ ಫುಲಾಂ ಪಾಕ್ಳ್ಯೊ, ತನ್ನ ಕೊಂಕಣಿ ಕಾರ್ಯಗಳ ಸಹಾಯಾರ್ಥ ಆಯೋಜಿಸಿದ್ದ ತೆಂಕೊ ಅಭಿಯಾನ್ ಧನ ಸಂಗ್ರಹ ಅಭಿಯಾನದ ಡ್ರಾ ಮತ್ತು ಗಾಯಕಿ ಲೋರ್ನಾ ಕೊರ್ಡೆರೊ ಇವರಿಗೆ ಈ ಮೊದಲೇ ಘೋಷಿಸಲ್ಪಟ್ಟ ಜೀವಮಾನ ಸಾಧನ ಪುರಸ್ಕಾರ ಹಸ್ತಾಂತರ ಕಾರ್ಯಕ್ರಮ 5.6.22 ರಂದು ಮಂಗಳೂರಿನ ಸಂತ ಎಲೋಶಿಯಸ್ ಕಾಲೇಜಿನ LCRI ಸಭಾಂಗಣದಲ್ಲಿ ನಡೆಯಿತು.

  ಉದ್ಯಮಿ ರೋಹನ್ ಮೊಂತೇರೊ ಮೊದಲಿಗೆ ಮಹೀಂದ್ರಾ XUV 300 ಕಾರಿನ ಡ್ರಾ ನಡೆಸಿ ಕೊಟ್ಟರು. 1301 ನಂಬರಿನ ಕೂಪನ್ ಖರೀದಿಸಿದ್ದ ಕಾರ್ಯಕ್ರಮದ ಗೌರವ ಅತಿಥಿ CA ಒಲ್ವಿನ್ ರಾಡ್ರಿಗಸ್ ಅದೃಷ್ಟಶಾಲಿಯಾಗಿ ಹೊರಹೊಮ್ಮಿದರು. ಅವರಿಗೆ ಗುರಿಕಾರ ಎರಿಕ್ ಒಝೇರಿಯೊ ಸಾಂಕೇತಿಕವಾಗಿ ಕಾರಿನ ಕೀ ಹಸ್ತಾಂತರಿಸಿದರು. ವೇದಿಕೆಯಲ್ಲಿ ಕೊಂಕಣಿ ಮುಖಂಡರುಗಳು ಮತ್ತು ಉದ್ಯಮಿಗಳಾದ ರೊಯ್ ಕ್ಯಾಸ್ತೆಲಿನೊ, ರಿಚಾರ್ಡ್ ರಾಡ್ರಿಗಸ್, ಮೈಕಲ್ ಡಿಸೋಜ, ಮಾರ್ಟೀನ್ ತಾವ್ರೊ, ಮೈಕಲ್ ಡಿಸೋಜ ಹಾಗೂ ಸಮಿತಿಯ ಲುವಿ ಪಿಂಟೊ, ಕಿಶೋರ್ ಫೆರ್ನಾಂಡಿಸ್, ಸ್ಟ್ಯಾನಿ ಆಲ್ವಾರಿಸ್, ಎಲ್ರೊನ್ ರಾಡ್ರಿಗಸ್ ಮತ್ತು ಇತರೆ ಸದಸ್ಯರು ಉಪಸ್ಥಿತರಿದ್ದರು. ಈ ಕಾರ್ಯಕ್ರಮವನ್ನು ಅರುಣ್ ರಾಜ್ ರಾಡ್ರಿಗಸ್ ನೆರವೇರಿಸಿದರು.

  ಇತ್ತೀಚೆಗೆ ನಿಧನರಾದ ಸಾಹಿತಿ, ಕಲಾವಿದರಾದ ಸಿಜ್ಯೆಸ್ ತಾಕೊಡೆ, ಸುನೀಲ್ ಕ್ರಾಸ್ತಾ ಬಜಾಲ್ ಮತ್ತು ಹ್ಯಾರಿ ಡಿಸೋಜ ಇವರಿಗೆ ಶ್ರದ್ಧಾಂಜಲಿ ಅರ್ಪಿಸಲಾಯಿತು. ನಂತರ ತಿಂಗಳ ವೇದಿಕೆ ಕಾರ್ಯಕ್ರಮಕ್ಕೆ ದುಬಾಯಿಯ ಉದ್ಯಮಿ ಮಾರ್ಟಿನ್ ಆರಾನ್ಹಾ ಗಂಟೆ ಬಾರಿಸಿ ಚಾಲನೆ ನೀಡಿದರು. ಐರಿನ್ ರೆಬೆಲ್ಲೊ ಈ ಕಾರ್ಯಕ್ರಮದ ನಿರೂಪಣೆ ನಡೆಸಿದರು.
  ನವ ಕಲಾವಿದರಾದ ಇಶಾನ್ ಫೆರ್ನಾಂಡಿಸ್, ಆವ್ರಿಲ್ ರೆಬೆಲ್ಲೊ, ಒಲಿಂಕಾ ಲೋಬೊ, ಸಲೋನಿ ಸಲ್ಡಾನ್ಹಾ, ಕ್ಯಾಲ್ವಿನಾ ಪಿಂಟೊ, ರೊಯ್ಸ್ಟನ್ ಡಿಸೋಜ, ಕ್ಲಿಯೊನ್ ಡಿಸಿಲ್ವಾ, ಆರ್ವಿನ್ ಸೇಥ್, ಲಯೋನಾ, ರೊನ್ವಿಲ್ ಡಿಸೋಜ, ಐರೆಲ್ ರೇಗೊ, ರೇಹಾ ವಾಸ್, ಲಿಯೊನಾ ಡಿಸೋಜ, ರಿಯಾ ಮೊಂತೇರೊ, ಶೈನಲ್ ಪತ್ರಾವೊ ಮಾಂಡ್ ಸೊಭಾಣ್ ಹಾಡುಗಳನ್ನು ಹಾಡಿದರು. ರಾಗ ಸಂಯೋಜನೆ ಮತ್ತು ನಿರ್ದೇಶನ ಎರಿಕ್ ಒಝೇರಿಯೊ ಸಹ ನಿರ್ದೇಶನ ರೈನಾ ಸಿಕ್ವೇರಾ ಇವರದ್ದು.

  ಹಾಡುಗಳ ನಡುವೆ ಪೊಯೆಟಿಕಾ ತಂಡದ ಕವಿಗಳಾದ ರೊನಿ ಕ್ರಾಸ್ತಾ, ಟೈಟಸ್ ನೊರೊನ್ಹಾ, ಫ್ಲಾವಿಯಾ ಆಲ್ಬುಕರ್ಕ್, ಫೆಲ್ಸಿ ದೆರೆಬೈಲ್, ಫ್ಲಾವಿಯಾ ಕಾರ್ಕಳ, ಜೊಸ್ಸಿ ಪಿಂಟೊ, ಲವಿ ಗಂಜಿಮಠ, ನವೀನ್ ಪಿರೇರಾ ಮತ್ತು ಡಾ. ಫ್ಲಾವಿಯಾ ಕ್ಯಾಸ್ತೆಲಿನೊ ವೈವಿಧ್ಯಮಯ ಕವಿತೆಗಳನ್ನು ವಾಚಿಸಿದರು.

  ಕೊಂಕಣಿ ಗಾಯನ ಲೋಕದ ಅನಭಿಶಿಕ್ತ ರಾಣಿಯಾಗಿ, ಜನರ ಹೃದಯದಲ್ಲಿ ಸ್ಥಾನ ಪಡೆದ ಗೋವಾದ ಕೋಗಿಲೆ ಲೊರ್ನಾ ಲೂಯಿ ಕೊರ್ಡೆರೊ ಇವರಿಗೆ ಮಾಂಡ್ ಸೊಭಾಣ್’ನ ನಾಲ್ಕನೇ ಜೀವಮಾನ ಸಾಧನೆ ಪುರಸ್ಕಾರವನ್ನು ಕಳೆದ ಜನವರಿಯಲ್ಲಿ ಘೋಷಿಸಲಾಗಿತ್ತು. ಅನಿವಾರ್ಯ ಕಾರಣಗಳಿಂದ ಅವರು ಭಾಗವಹಿಸಲು ಅಸಾಧ್ಯವಾದುದರಿಂದ, ನಿನ್ನೆ ನಡೆದ ಕಾರ್ಯಕ್ರಮದಲ್ಲಿ ಶಾಲು, ಫಲಪುಷ್ಪ, ಸ್ಮರಣಿಕೆ, ಸನ್ಮಾನ ಪತ್ರ ಮತ್ತು ರೂಪಾಯಿ ಒಂದು ಲಕ್ಷ ಚೆಕ್ ನೀಡಿ ಮಾಂಡ್ ಸೊಭಾಣ್ ಪದಾಧಿಕಾರಿಗಳು ಗೌರವಿಸಿದರು. ನಂತರ ಅವರು ಮೂರು ಹಾಡುಗಳನ್ನು ಹಾಡಿ ಜನಮನ ರಂಜಿಸಿದರು.

  ರೋಶನ್ ಬೇಳಾ, ಸಂಜಯ್ ರಾಡ್ರಿಗಸ್, ಫ್ಲೊಯ್ಡ್ ಪಿರೇರಾ, ಸಚಿನ್ ಸಿಕ್ವೇರಾ, ಉಮೆಶ್ ಇಡ್ಯಾ, ಸುನೀಲ್ ಕುಮಾರ್, ಪ್ರಜ್ವಲ್ ಪ್ರೊಂತೆರೊ ಸಂಗೀತದಲ್ಲಿ ಸಹಕರಿಸಿದರು. ಕೊಮಿಡಿ ಕಂಪೆನಿಯ ಸಹವರ್ತಿಗಳಾದ ನೆಲ್ಲು ಪೆರ್ಮನ್ನೂರು, ಮರಿಯಾ ಡಿಸೋಜ ವಾಮಂಜೂರು ಮತ್ತು ಸಂದೀಪ್ ಮಸ್ಕರೇನ್ಹಸ್ ಶಕ್ತಿನಗರ ಇವರು ವಿಭಿನ್ನ ಹಾಗೂ ಹಾಸ್ಯಮಯ ರೀತಿಯಲ್ಲಿ ಕಾರ್ಯಕ್ರಮವನ್ನು ನಿರೂಪಿಸಿದರು.