ಕಾರ್ಕಳ: ಸ್ಕೂಟಿಯಲ್ಲಿ ಹೋಗುತ್ತಿದ್ದ ಮಹಿಳೆಯ ಮಾನಹಾನಿ - ಕೇಸು ದಾಖಲು

•   Mon, Jun 06 2022 06:24:19 PM



• ಕಾರ್ಕಳ, ಜೂ 06 (DaijiworldNews/HR): ಬೈಕ್ ಬಂದ ಯುವಕರಿಬ್ಬರು ಸ್ಕೂಟಿಯಲ್ಲಿ ಹೋಗುತ್ತಿದ್ದ ಮಹಿಳೆ ಮಾನಹಾನಿಗೈದ ಘಟನೆಯೂ ರೆಂಜಾಳ ಮಂಜುಗೋಳಿ ಎಂಬಲ್ಲಿ ನಡೆದಿದೆ.

  ರೆಂಜಾಳ ಗ್ರಾಮ ಪಂಚಾಯತ್ ಬಳಿಯ ಮಹಿಳೆಯೊಬ್ಬರು ರೆಂಜಾಳದಿಂದ ಬೋರ್ಕಟ್ಟೆಯ ರಸ್ತೆಯಲ್ಲಿ ಸವಾರಿ ಮಾಡಿ ಹೋಗುತ್ತಿದ್ದಾಗ, ಮಂಜುಗೋಳಿ ಎಂಬಲ್ಲಿ ಎದುರುಗಡೆಯಿಂದ ಬರುತ್ತಿದ್ದ ಬೈಕ್‌ನ್ನು ರಸ್ತೆಗೆ ಅಡ್ಡವಾಗಿರಿಸಿ ನಿಲ್ಲಿಸಲಾಗಿದ್ದು, ಬೈಕ್‌ನಲ್ಲಿದ್ದ ಹಿಂಬದಿ ಸಹಸವಾರನು ಮಹಿಳೆಯ ಮೈಗೆ ಕೈ ಹಾಕಿ ಮಾನಹಾನಿ ಮಾಡಿ ಕೈಯನ್ನು ಎಳೆದಿದ್ದಾನೆ. ಬೈಕ್ ಸವಾರರ ವರ್ತನೆಯಿಂದ ಗಾಬರಿಗೊಂಡ ಮಹಿಳೆ ಜೋರಾಗಿ ಬೊಬ್ಬೆ ಹಾಕಿದಾಗ ಬೈಕ್ ಸ್ಟಟ್ ಮಾಡಿ ಅವರಿಬ್ಬರು ಬೈಕ್‌ನಲ್ಲಿ ರೆಂಜಾಳದ ಕಡೆಗೆ ಹೋಗಿರುತ್ತಾರೆ ಎಂದು ತಿಳಿದುಬಂದಿದೆ.
  
  ಈ ಬಗ್ಗೆ ಕಾರ್ಕಳ ಗ್ರಾಮಾಂತರ ಠಾಣೆಯಲ್ಲಿ ಕೇಸು ದಾಖಲಾಗಿದೆ.