ಮಂಗಳೂರು, ಮೇ 22 (DaijiworldNews/HR): ಕೊಂಕಣಿ ಮತ್ತು ತುಳು ಮನರಂಜನಾ ಕ್ಷೇತ್ರದಲ್ಲಿ ಖ್ಯಾತರಾಗಿದ್ದ ನಟ ಸುನೀಲ್ ಬಜಾಲ್(45) ಅವರು ಮೇ 22 ರಂದು ಭಾನುವಾರ ಹೃದಯಾಘಾತದಿಂದ ನಿಧನರಾಗಿದ್ದಾರೆ.
ಸುನಿಲ್ ಅವರು ಕೊಂಕಣಿ ನಾಟಕದ ಮೂಲಕ ನಟನಾ ವೃತ್ತಿ ಪ್ರಾರಂಭಿಸಿ ಬಳಿಕ ಕೊಂಕಣಿ ಧಾರಾವಾಹಿಗಳಲ್ಲಿಯೂ ನಟಿಸಿದ್ದಾರೆ.
ತಮ್ಮ ನಟನಾ ಕೌಶಲ್ಯದಿಂದ ಸುನಿಲ್ ಅವರು ಫ್ಲಾಟ್ ನಂ 403 ಧಾರಾವಾಹಿಯಲ್ಲಿ 'ಬೆನ್ನ' ಪಾತ್ರದಲ್ಲಿ ಮಿಂಚಿದ್ದು, ಕೊಂಕಣಿ ಧಾರಾವಾಹಿ 'ಗಾಡ್ ಫಾದರ್' ಮತ್ತು ಕೊಂಕಣಿ ಚಲನಚಿತ್ರ 'ಕೊಂಬ್ಯಾಟ್' ನಲ್ಲಿ ಸಹ ನಟಿಸಿದ್ದಾರೆ.
ಇನ್ನು ಮಂಗಳೂರಿನ ಕೊಂಕಣಿ ನಾಟಕ ಸಭಾದ ಸಕ್ರಿಯ ಸದಸ್ಯರೂ ಆಗಿದ್ದ ಅವರು, ವೃತ್ತಿಯಲ್ಲಿ ಐಟಿಐ ವಿದ್ಯಾರ್ಥಿಗಳಿಗೆ ಶಿಕ್ಷಕರಾಗಿದ್ದರು.
ಮೃತರು ಪತ್ನಿ, ಇಬ್ಬರು ಮಕ್ಕಳು ಹಾಗೂ ಓರ್ವ ಸಹೋದರನನ್ನು ಅಗಲಿದ್ದಾರೆ.