ಮಂಗಳೂರು: ಪಬ್ ನಲ್ಲಿ ಕ್ಷುಲ್ಲಕ ಕಾರಣಕ್ಕೆ ಎರಡು ತಂಡಗಳ ಮಧ್ಯೆ ಹೊಡೆದಾಟ - ಕೇಸು ದಾಖಲು

•   Mon, Jan 07 2019 10:45:56 AM



• ಮಂಗಳೂರು,ಜ 07(MSP): ನಗರದ ಬಲ್ಲಾಳ್ ಬಾಗ್ ನ ಪಬ್ ನಲ್ಲಿ ಶನಿವಾರ ರಾತ್ರಿ ಎರಡು ತಂಡಗಳ ಮಧ್ಯೆ ಹೊಡೆದಾಟ ನಡೆದಿದ್ದು, ಪಿಸ್ತೂಲ್ ತೋರಿಸಿ ಜೀವಬೆದರಿಕೆ ಒಡ್ಡಲಾಗಿದೆ ಎಂದು ಆರೋಪಿಸಲಾಗಿದೆ. ಈ ಸಂಬಂಧ ಪುನೀಕ್ ಶೆಟ್ಟಿ ಸಹಿತ ಐವರ ವಿರುದ್ದ ಬರ್ಕೆ ಪೊಲೀಸ್ ಠಾಣೆಯಲ್ಲಿ ಕೊಲೆಯತ್ನ ಪ್ರಕರಣ ದಾಖಲಾಗಿದ್ದು, ಅಮೀಲ್ ಬಾಸಿತ್ ಎಂಬಾತನನ್ನು ಪೊಲೀಸರು ಬಂಧಿಸಿದ್ದಾರೆ.

  

  ಪಬ್ ನಲ್ಲಿ ಶನಿವಾರ ರಾತ್ರಿ 12 ಗಂಟೆ ವೇಳೆಗೆ ಪುನೀಕ್ ಶೆಟ್ಟಿ ತಂಡ ಹಾಗೂ ಸುಮನ್ ಶೆಟ್ಟಿ ತಂಡದ ಮಧ್ಯೆ ಕ್ಷುಲಕ ಕಾರಣಕ್ಕಾಗಿ ಮಾತಿನ ಚಕಮಕಿ ನಡೆದಿದೆ. ಬಳಿಕ ಪುನೀಕ್ ಶೆಟ್ಟಿ ತಂಡ ಲಕ್ಷತ್ ಎಂಬಾತನ ಮೇಲೆ ಹಲ್ಲೆ ಮಾಡಿದೆ. ಈ ಸಂದರ್ಭ ಪುನೀಕ್ ಶೆಟ್ಟಿ ಪಿಸ್ತೂಲ್ ತೋರಿಸಿ ಎದುರಾಳಿ ತಂಡಕ್ಕೆ ಕೊಲೆ ಬೆದರಿಕೆ ಹಾಕಿದ್ದಾರೆ ಎಂದು ಆರೋಪಿಸಲಾಗಿದೆ.

  ಗಲಾಟೆ ವಿಷಯ ತಿಳಿಯುತ್ತಿದ್ದಂತೆ ಬರ್ಕೆ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಎರಡೂ ತಂಡದವರನ್ನು ಲಾಠಿ ಬೀಸಿ ಚದುರಿಸಿದ್ದಾರೆ.