ಅಪಘಾತಕ್ಕೀಡಾಗಿ ಚಿಕಿತ್ಸೆ ಪಡೆಯುತ್ತಿರುವ ಬಡ ಮಹಿಳೆಯ ನೆರವಿಗೆ ನಿಂತ ಬಿರುವೆರ್ ಕುಡ್ಲ ಸಂಘಟನೆ

•   Sat, Jan 05 2019 03:16:44 PM



• ಮಂಗಳೂರು, ಜ05(SS): ಫ್ರೆಂಡ್ಸ್ ಬಳ್ಳಾಲ್ ಬಾಗ್ – ಬಿರುವೆರ್ ಕುಡ್ಲ ಸಂಘಟನೆ ನಗರದ ನಂತೂರು ಸಮೀಪ ಅಪಘಾತಕ್ಕೀಡಾಗಿ ಎಲುಬು ಸಮಸ್ಯೆಯಿಂದ ಬಳಲುತ್ತಿರುವ ಮಹಿಳೆಯೊಬ್ಬರ ನೆರವಿಗೆ ನಿಂತು ಮಾನವೀಯತೆ ಮೆರೆದಿದೆ.

  

  ಕೋಡಿಕಲ್ ನಿವಾಸಿ ಪಿ ಸಾಕ್ಷಿ ಶೆಣೈ ಅಪಘಾತಕ್ಕೀಡಾಗಿ ಚಿಕಿತ್ಸೆ ಪಡೆಯುತ್ತಿರುವ ಮಹಿಳೆ. ಐವತ್ತು ಸಾವಿರ ರೂ. ಮೌಲ್ಯದ ಚೆಕ್ ವಿತರಿಸಿ ಫ್ರೆಂಡ್ಸ್ ಬಳ್ಳಾಲ್ ಬಾಗ್ – ಬಿರುವೆರ್ ಕುಡ್ಲ ಸಂಘಟನೆ ಬಡ ಮಹಿಳೆಗೆ ಸಹಾಯಹಸ್ತ ಚಾಚಿದೆ.

  ಈ ವೇಳೆ ಮಾತನಾಡಿದ ಉದಯ್ ಪೂಜಾರಿ, ಫ್ರೆಂಡ್ಸ್ ಬಳ್ಳಾಲ್ ಬಾಗ್ – ಬಿರುವೆರ್ ಕುಡ್ಲ ಸಂಘಟನೆ ಮತ್ತು ದಾನಿಗಳ ಕೈಯಿಂದ ಸಂಗ್ರಹಿಸಿದ ಹಣವನ್ನು ಪಿ ಸಾಕ್ಷಿ ಶೆಣೈ ಅವರಿಗೆ ನೀಡಲಾಗಿದೆ ಎಂದು ಹೇಳಿದ್ದಾರೆ.

  ಫ್ರೆಂಡ್ಸ್ ಬಳ್ಳಾಲ್ ಬಾಗ್ – ಬಿರುವೆರ್ ಕುಡ್ಲ ಸಂಘಟನೆಯನ್ನು ಶ್ಲಾಘಿಸಿದ ಸೂರಜ್ ಕಲ್ಯ, ಸುಮಾರು 4 ವರುಷಗಳಿಂದ ಈ ಸಂಘಟನೆ ಬಡವರ ಸೇವೆ ಮಾಡುತ್ತಿದೆ. 1 ಕೋಟಿಗೂ ಹೆಚ್ಚು ಹಣ ಬಡವರ ಸೇವೆಗೆ ಮೀಸಲಿಟ್ಟಿದೆ ಎಂದು ತಿಳಿಸಿದರು.

  ಪಿ ಸಾಕ್ಷಿ ಶೆಣೈ ಕುಟುಂಬಕ್ಕೆ ನೆರವಿನ ಅಗತ್ಯವಿದ್ದು, ನೆರವು ನೀಡಲು ಇಚ್ಛಿಸುವವರು ಸಹಕರಿಸಲು ಕೋರಿದ್ದಾರೆ.

  ಬ್ಯಾಂಕ್ ಡಿಟೆಲ್ಸ್:

  ಕೆನಾರ ಬ್ಯಾಂಕ್

  ಐ.ಎಫ್.ಎಸ್.ಸಿ ನಂಬರ್ – CNRB 0000880

  ಅಕೌಂಟ್ ನಂಬರ್ - 088010102475