ತೊಕ್ಕೊಟ್ಟು: ಬೊಂಬಾಟ್ ಬ್ಯಾಟಿಂಗ್ ಮಾಡಿ ತೆರಳಿದರು, ರಾತ್ರಿ ಬಂದು ಕ್ಯಾಂಟೀನ್ ಗೆ ಬೆಂಕಿ ಹಚ್ಚಿದರು

•   Thu, Jan 03 2019 11:29:57 PM



• ತೊಕ್ಕೊಟ್ಟು, ಜ 03(SM): ಊಟದ ಹಣ ನೀಡದೆ ತಗಾದೆ ತೆಗೆದ ತಂಡವೊಂದು ರಸ್ತೆ ಬದಿಯ ಕ್ಯಾಂಟೀನ್ ಗೆ ಬೆಂಕಿ ಹಾಕಿರುವ ಘಟನೆ ತೊಕ್ಕೊಟ್ಟು ಕಾಪಿಕಾಡು ಸಮೀಪ ತಡರಾತ್ರಿ ವೇಳೆ ನಡೆದಿದೆ.

  

  ಹಳೆಕೋಟೆ ನಿವಾಸಿ ಆಬೀದ್ ಎಂಬವರಿಗೆ ಸೇರಿದ ಕ್ಯಾಂಟೀನ್ ಗೆ ದುಷ್ಕರ್ಮಿಗಳು ಬೆಂಕಿ ಹಚ್ಚಿದ್ದಾರೆ. ಕ್ಯಾಂಟೀನ್ ಸಾಮಗ್ರಿ ಸಂಪೂರ್ಣ ಸುಟ್ಟು ಹೋಗಿದೆ. ಸಂಜೆ ವೇಳೆ ಕುಂಪಲ ನಿವಾಸಿ ರವೂಫ್ ಮತ್ತು ತಂಡ ಕ್ಯಾಂಟೀನಿನಲ್ಲಿ ಊಟ ಮಾಡಿದ್ದಾರೆ. ಬಳಿಕ 2,000 ರೂಪಾಯಿ ಬಿಲ್ ನೀಡದೇ ಇದ್ದಾಗ, ಆಬೀದ್ ಅವರು ಜಗಳ ನಡೆಸಿದ್ದರು.

  ಆದರೂ ರವೂಫ್ ಮತ್ತು ತಂಡ ಹಣ ನೀಡದೆ ತೆರಳಿದೆ. ಕ್ಯಾಂಟೀನ್ ಮುಚ್ಚಿದ ಬಳಿಕ ಅದೇ ತಂಡ ಕ್ಯಾಂಟೀನ್ ಗೆ ಬೆಂಕಿ ಹಚ್ಚಿದೆ ಎಂದು ತಿಳಿದು ಬಂದಿದೆ. ಈ ಬಗ್ಗೆ ಉಳ್ಳಾಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.