ಕುಖ್ಯಾತ ಹೈವೇ ದರೋಡೆಕೋರರ ಬಂಧನ, ಮಾರಕಾಸ್ತ್ರ ವಶ

•   Mon, Oct 23 2017 09:44:15 AM



•  

  ಮಂಗಳೂರು ಅ23: ಮಹತ್ವದ ಕಾರ್ಯಚರಣೆಯೊಂದರಲ್ಲಿ ಉಲ್ಲಾಲ ಪೋಲಿಸರು ನಿನ್ನೆ ವಿವಿಧ ಪ್ರಕರಣಗಳಲ್ಲಿ ಕುಖ್ಯಾತರಾದ ಐವರು ಹೈವೇ ದರೋಡೆಕೋರರನ್ನು ಬಂಧಿಸಿದ್ದಾರೆ. ರಾಶ್ಟ್ರೀಯ ಹೆದ್ದಾರಿ 66 ರಲ್ಲಿ ಕೇರಳದಿಂದ ಮಂಗಳೂರು ವಿಮಾನ ನಿಲ್ದಾನಕ್ಕೆ ಆಗಮಿಸುತ್ತಿರುವ ಪ್ರಯಾಣಿಕರನ್ನು ಗುರಿಯಾಗಿರಿಸಿಕೊಂಡು ದರೋಡೆಗೆ ಸಂಚು ರೂಪಿಸುತ್ತಿದ್ದಾಗ ಇವರ ಬಂಧನ ನಡೆದಿದೆ.
  ಬಂಧಿತರನ್ನು ರವಿಕುಮಾರ್(24) ಖಲೀಲ್ ಕೆ ಅಲಿಯಾಸ್ ಕಲ್ಲು(27) ರಾಜೇಶ್ ಕೆ (30) ಅಝೀಮ್ ಅಲಿಯಾಸ್ ಮೊಹಮ್ಮದ್ ಅಝೀಮ್(23) ಹಾಗೂ ಝಾಬೀರ್(24) ಎಂದು ಗುರುತಿಸಲಾಗಿದೆ. ಈ ಪೈಕಿ ರವಿಕುಮಾರ್ ಪುತ್ತೂರು ನಿವಾಸಿಯಾಗಿದ್ದು ಉಳಿದ ನಾಲ್ವರು ಮಂಜೇಶ್ವರ ನಿವಾಸಿಗಳಾಗಿದ್ದಾರೆ.

  

  

   

  ದರೋಡೆ ಸಂಚಿನ ಬಗ್ಗೆ ಖಚಿತ ಮಾಹಿತ ಪಡೆದ ಉಲ್ಲಾಲ್ ಪೋಲಿಸ್ ಠಾಣೆಯ ಇನ್ಪೆಕ್ಟರ್ ಗೋಪಾಲ ಕೃಶ್ಣ ಕೆ.ಆರ್ ಹಾಗೂ ಸಬ್ ಇನ್ಪೆಕ್ಟರ್ ರಾಜೇಂದ್ರ ಬಿ, ರೌಡಿ ನಿಗ್ರಹ ದಳದ ಸಹಕಾರದೊಂದಿಗೆ ಬಂಧನ ಕಾರ್ಯಚರಣೆ ಕೈಗೊಂಡಿದ್ದರು.
  ಹೈವೇಯಲ್ಲಿ ಸಾಗುತ್ತಿರುವ ಪ್ರಯಾಣಿಕರನ್ನು, ವಿಶೇಷವಾಗಿ ಮಹಿಳೆಯರನ್ನು ದರೋಡೆಗೈಲು ಎಲ್ಲಾ ರೀತಿಯ ತಯಾರಿಗಳನ್ನು ಮಾಡಿ ಮಾರಕಾಸ್ತ್ರಗಳೊಂದಿಗೆ ರಸ್ತೆ ಬದಿಯಲ್ಲಿ ಹೊಂಚು ಹಾಕುತ್ತಿರುವಾಗ ಅರೋಪಿಗಳ ಬಂಧನ ನಡೆದಿದೆ.