ಕಾಸರಗೋಡು: ಚಾಲಕನ ನಿಯಂತ್ರಣ ತಪ್ಪಿ ಬಸ್ ಪಲ್ಟಿ - 15 ಮಂದಿಗೆ ಗಾಯ

•   Wed, May 04 2022 07:03:51 PM



• ಕಾಸರಗೋಡು, ಮೇ 04 (DaijiworldNews/HR): ಖಾಸಗಿ ಬಸ್ಸು ಚಾಲಕನ ನಿಯಂತ್ರಣ ತಪ್ಪಿ ಪಲ್ಟಿಯಾದ ಘಟನೆ ಚೆರ್ವತ್ತೂರು ಮಟ್ಟಲಾಯಿ ಟೆಕ್ನಿಕಲ್ ಶಾಲಾ ಸಮೀಪ ಬುಧವಾರ ಸಂಜೆ ನಡೆದಿದ್ದು,15 ಮಂದಿ ಗಾಯಗೊಂಡು ಈ ಪೈಕಿ ಇಬ್ಬರ ಸ್ಥಿತಿ ಗಂಭೀರವಾಗಿದೆ.

  ಕಾಸರಗೋಡಿನಿಂದ ಕಣ್ಣೂರಿಗೆ ತೆರಳುತ್ತಿದ್ದ ಖಾಸಗಿ ಬಸ್ಸು ಅಪಘಾತಕ್ಕೀಡಾಗಿದ್ದು, ಧಾವಿಸಿ ಬಂದ ಪರಿಸರವಾಸಿಗಳು ಬಸ್ಸಿನಲ್ಲಿ ಸಿಲುಕಿದ್ದ ಗಾಯಾಳುಗಳನ್ನು ಹೊರತೆಗೆದು ಚೆರ್ವತ್ತೂರಿನ ಆಸ್ಪತ್ರೆಗೆ ತಲಪಿಸಿದರು.

  ಇನ್ನು ಅಪಘಾತದ ಬಳಿಕ ಗಂಟೆಗಳ ಕಾಲ ರಾಷ್ಟ್ರೀಯ ಹೆದ್ದಾರಿಯಲ್ಲಿ ವಾಹನ ಸಂಚಾರ ಅಸ್ತವ್ಯಸ್ಥಗೊಂಡಿತ್ತು.