ಕುಂಬಳೆ: ಮೂರ್ತಿ ಕಿತ್ತೆಸೆದು ಗೋದಲಿ ಧ್ವಂಸಗೊಳಿಸಿದ ದುಷ್ಕರ್ಮಿಗಳು

•   Tue, Jan 01 2019 12:49:34 PM



• ಕುಂಬಳೆ, ಜ 01(MSP): ಕ್ರಿಸ್ಮಸ್‌ ಸಂಭ್ರಮಕ್ಕೆ ಮೆರುಗು ನೀಡುವ ಗೋದಲಿಯನ್ನು ದುಷ್ಕರ್ಮಿಗಳು ದ್ವಂಸ ಮಾಡಿದ ಘಟನೆ ಕಾಸರಗೋಡಿನ ಕುಂಬಳೆಯಲ್ಲಿ ಜನವರಿ 1 ರಂದು ಮಂಗಳವಾರ ಮುಂಜಾನೆ ನಡೆದಿದೆ. ಕುಂಬಳೆ ಹೋಲಿ ಫ್ಯಾಮಿಲಿ ಕಾನ್ವೆಂಟಿನ ಮುಂಭಾಗ ಕ್ರಿಸ್ತರ ಜನನದ ಸಂದೇಶ ಸಾರುವ ಗೋದಲಿಯನ್ನು ನಿರ್ಮಿಸಲಾಗಿತ್ತು. ಆದರೆ ಇಂದು ಮುಂಜಾನೆ ಗಮನಿಸಿದಾಗ ಗೋದಲಿ ಅಸ್ತವ್ಯಸ್ಥವಾದ ರೀತಿಯಲ್ಲಿ ಪತ್ತೆಯಾಗಿದೆ.

  
  
  

  

  

  

  

  

  

  

  

  ಮಂಗಳವಾರ ಮುಂಜಾನೆ 2.30ರ ಸುಮಾರಿಗೆ ಕಿಡಿಗೇಡಿಗಳು ಕೃತ್ಯ ಎಸಗಿದ್ದಾರೆ ಎಂದು ಶಂಕಿಸಲಾಗಿದೆ. ಇಂದು ಬೆಳಗ್ಗೆ ಕೃತ್ಯ ಬೆಳಕಿಗೆ ಬಂದಿದೆ. ಗೋದಲಿಯಲ್ಲಿದ್ದ ದೇವರ ಮೂರ್ತಿ, ಪ್ರತಿಮೆ ಇನ್ನಿತರ ವಸ್ತುಗಳನ್ನು ಕಿತ್ತೆಸೆದ ಸ್ಥಿತಿಯಲ್ಲಿ ಪತ್ತೆಯಾಗಿದೆ, ಘಟನೆ ಬಗ್ಗೆ ಕುಂಬಳೆ ಪೊಲೀಸರಿಗೆ ದೂರು ನೀಡಲಾಗಿದ್ದು, ತನಿಖೆ ಕೈಗೆತ್ತಿಕೊಂಡಿದ್ದಾರೆ.