ಉಡುಪಿ: ರಸ್ತೆ ಮಧ್ಯೆ ಬಸ್ ನಿಲ್ಲಿಸಿ ಡ್ರೈವರ್‌ಗಳ ನಡುವೆ ಜಗಳ – ವಿಡಿಯೋ ವೈರಲ್

•   Sat, Dec 29 2018 12:04:24 PM



• ಉಡುಪಿ, ಡಿ29(SS): ಇಲ್ಲಿನ ಗೋವಿಂದ ಕಲ್ಯಾಣ ಮಂಟಪದ ಬಳಿ ಬಸ್ಸಿನ ಸಮಯದ ಸಮಸ್ಯೆಯ ವಿಚಾರವಾಗಿ ಇಬ್ಬರು ಖಾಸಗಿ ಬಸ್ ಚಾಲಕರ ನಡುವೆ ಜಗಳ ನಡೆದು ಸಂಚಾರಕ್ಕೆ ಅಡ್ಡಿಯುಂಟಾಗಿರುವ ಘಟನೆ ನಡೆದಿದೆ.

  

  ಉಡುಪಿ – ಮಂಗಳೂರು ಪ್ರಯಾಣಿಸುವ ಎರಡು ಖಾಸಗಿ ಬಸ್ಸುಗಳ ಚಾಲಕರು ರಸ್ತೆಯ ಮಧ್ಯಭಾಗದಲ್ಲಿ ಬಸ್ಸನ್ನು ನಿಲ್ಲಿಸಿ ಜಗಳವಾಡಲು ಆರಂಭಿಸಿದ್ದಾರೆ. ರಸ್ತೆಗಳಲ್ಲಿ ಬಸ್ಸನ್ನು ನಿಲುಗಡೆ ಮಾಡಿ ಸಂಚಾರಕ್ಕೆ ಅಡ್ಡಿಯುಂಟು ಮಾಡಿದ್ದಾರೆ. ಈ ಘಟನೆಯಿಂದಾಗಿ ಮಹಿಳೆಯರು ಸೇರಿದಂತೆ ವಯಸ್ಸಾದವರು, ಬಸ್ಸಿನ ಪ್ರಯಾಣಿಕರು ಬಹಳಷ್ಟು ತೊಂದರೆ ಅನುಭವಿಸಿದ್ದಾರೆ.

  ಘಟನೆಯು ಸುಮಾರು 8:30 ಗಂಟೆಗೆ ನಡೆದಿದ್ದು, ರಸ್ತೆಯ ಮಧ್ಯಭಾಗದಲ್ಲಿ ತಮ್ಮ ಬಸ್ಸನ್ನು ನಿಲ್ಲಿಸಿ ಪರಸ್ಪರ ಜಗಳ ಮಾಡುವ ವೀಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.