ಉಡುಪಿ: ಗಾಂಜಾ ಮಾರಾಟಕ್ಕೆ ಯತ್ನ - ಓರ್ವನ ಬಂಧನ

•   Mon, Apr 18 2022 12:12:33 PM



• ಉಡುಪಿ, ಏ 18 (DaijiworldNews/MS): ಗಾಂಜಾ ಮಾರಾಟ ಮಾಡಲು ಯತ್ನಿಸುತ್ತಿದ್ದ ಆರೋಪಿಯೋರ್ವನನ್ನು ಉಡುಪಿಯ ಸೆನ್ ಅಪರಾಧ ಪೊಲೀಸ್ ಠಾಣೆಯ ಪೊಲೀಸರು ಬಂಧಿಸಿದ್ದಾರೆ.

  ಬಂಧಿತ ಆರೋಪಿಯನ್ನು ಕಳಾರ್ಕಳಬೆಟ್ಟು ಗ್ರಾಮದ ಸಂತೆಕಟ್ಟೆಯ ಅಬ್ದುಲ್ ಜಬ್ಬಾರ್ (24) ಎಂದು ಗುರುತಿಸಲಾಗಿದೆ.

  ಉಡುಪಿಯ ಪುತ್ತೂರು ಗ್ರಾಮದ ನೇಜಾರು ರಸ್ತೆಯಲ್ಲಿರುವ ಎಕ್ತಾ ಹೈಡ್ಸ್ ಕಟ್ಟಡದ ಬಳಿಯ ಸಾರ್ವಜನಿಕ ಸ್ಥಳದಲ್ಲಿ ಕಾನೂನು ಬಾಹಿರವಾಗಿ ಮಾರಾಟ ಗಾಂಜಾ ಮಾರಾಟ ಮಾಡಲು ಯತ್ನಿಸುತ್ತಿದ್ದ. ಈತನಿಂದ 10000 ರೂ ಮೌಲ್ಯದ 240 ಗ್ರಾಂ ಗಾಂಜಾ ಒಂದು ತೂಕದ ಯಂತ್ರ, ಎರಡು ಮೊಬೈಲ್ ಫೋನ್ ಮತ್ತು ಸುಜುಕಿ ಆಕ್ಸೆಸ್ ಬೈಕ್ ಹೀಗೆ ಒಟ್ಟು ಮೌಲ್ಯ 45700 ರೂ. ಸೊತ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ.

  ಖಚಿತ ಮಾಹಿತಿ ಮೇರೆಗೆ ನಗರದ ಸಿಇಎನ್ ಅಪರಾಧ ಪೊಲೀಸ್ ಠಾಣೆಯ ಎಎಸ್‌ಐ ಲಕ್ಷ್ಮಣ ಅವರು ಆರೋಪಿಯನ್ನು ಬಂಧಿಸಿದ್ದಾರೆ. ಈ ಬಗ್ಗೆ ಸೆನ್‌ ಅಪರಾಧ ಪೊಲೀಸ್‌ ಠಾಣೆ ಅಪರಾಧ ಕ್ರಮಾಂಕ 17/2022 ಕಲಂ: 8(ಸಿ), 20(B)(ii)(A) ಎನ್.ಡಿ.ಪಿ.ಎಸ್. ಕಾಯ್ದೆಯಂತೆ ಪ್ರಕರಣ ದಾಖಲಾಗಿದೆ.