ಇಂದು ಮತ್ತೆ ದೇಶಾದ್ಯಂತ ಪೆಟ್ರೋಲ್​, ಡೀಸೆಲ್​ ದರದಲ್ಲಿ ಇಳಿಕೆ

•   Fri, Dec 28 2018 01:32:15 PM



• ಬೆಂಗಳೂರು, ಡಿ28(SS):  ಪೆಟ್ರೋಲ್​ ಮತ್ತು ಡಿಸೇಲ್ ದರ ದಾಖಲೆ ಮಟ್ಟದಲ್ಲಿ ಇಳಿಕೆಯಾಗಿದೆ. ಇಂದು ಮತ್ತೆ ದೇಶಾದ್ಯಂತ ಪೆಟ್ರೋಲ್​, ಡೀಸೆಲ್​ ದರದಲ್ಲಿ ಇಳಿಕೆಯಾಗಿದ್ದು, ಗ್ರಾಹಕರಲ್ಲಿ ಹರ್ಷ ಮೂಡಿಸಿದೆ.

  

  ರಾಷ್ಟ್ರ ರಾಜಧಾನಿ ನವದೆಹಲಿಯಲ್ಲಿ 19 ಪೈಸೆ ಇಳಿಕೆ ನಂತರ ಪ್ರತಿ ಲೀಟರ್​ ಪೆಟ್ರೋಲ್​ ಬೆಲೆ 69.55 ರೂ.ಗಳಿಷ್ಟಿದ್ದು, 14 ಪೈಸೆ ಇಳಿಕೆ ನಂತರ 63.62 ರೂ.ಗೆ ಮಾರಾಟಗೊಳ್ಳುತ್ತಿದೆ. ಬೆಂಗಳೂರಿನಲ್ಲಿಯೂ ಇಂದು ಮತ್ತೆ ಪೆಟ್ರೋಲ್​, ಡೀಸೆಲ್​ ದರ ಕ್ರಮವಾಗಿ 19 ಮತ್ತು 14 ಪೈಸೆ ಇಳಿಕೆಯಾಗಿ, 70.08 ರೂ. ಮತ್ತು 63.94 ರೂ.ಗೆ ಮಾರಾಟವಾಗುತ್ತಿದೆ.

  ವಾಣಿಜ್ಯ ನಗರಿ ಮುಂಬೈನಲ್ಲಿ ಲೀ. ಪೆಟ್ರೋಲ್‌ 75.18 ರೂ.ಗೆ ಮಾರಾಟವಾಗುತ್ತಿದ್ದು, 18 ಪೈಸೆ ಕಡಿಮೆಯಾಗಿದೆ. ಇನ್ನು ಡೀಸೆಲ್‌ ಲೀ.ಗೆ 15 ಪೈಸೆ ಕಡಿಮೆಯಾಗಿ 66.57ರೂ.ಗಳಷ್ಟಿದೆ. ಚೆನ್ನೈನಲ್ಲಿ ಪೆಟ್ರೋಲ್‌ ಲೀ.ಗೆ 20 ಪೈಸೆ ಕಡಿಮೆಯಾಗಿ 72.16 ರೂ.ಗಳಿದ್ದರೆ, ಲೀಟರ್‌ ಡೀಸೆಲ್‌ 15 ಪೈಸೆ ಇಳಿಕೆ ನಂತರ 67.16 ರೂ.ಗಳಿಗೆ ಮಾರಾಟವಾಗುತ್ತಿದೆ.