ಮಂಗಳೂರು: ಕಂಟೈನರ್ ಲಾರಿಗೆ ಢಿಕ್ಕಿಯಾದ ಕೆಟಿಎಂ ಬೈಕ್ - ಯುವಕ ಸಾವು

•   Wed, Dec 26 2018 10:57:31 AM



• ಮಂಗಳೂರು, ಡಿ 26 (MSP): ರಸ್ತೆ ಅಪಘಾತದಲ್ಲಿ ಯುವಕನೊಬ್ಬ ಮೃತಪಟ್ಟ ಘಟನೆ ಬುಧವಾರ ಡಿ.26 ರಂದು ಬಿಕರ್ನಕಟ್ಟೆಯ ಕೆನರಾ ವರ್ಕ್ ಶಾಪ್ ಬಳಿ ಘಟನೆ ಡಿ.26 ರ ಬುಧವಾರ ನಡೆದಿದಿದೆ. ಅಪಘಾತದಲ್ಲಿ ಮೃತಪಟ್ಟ ಯುವಕನನ್ನು ವಿಜೇತ್ ರಾವ್ (21) ಎಂದು ಗುರುತಿಸಲಾಗಿದೆ.

  

  ವಿಜೇತ್ ರಾವ್ ಉಡುಪಿಯ ಪೆರಂಪಳ್ಳಿಯ ನಿವಾಸಿಯಾಗಿದ್ದು, ಮಂಗಳೂರಿನಲ್ಲಿ ಚಾರ್ಟೆಂಡ್ ಅಕೌಂಟೆಂಟ್ ಕಾರ್ಯನಿರ್ವಹಿಸುತ್ತಿದ್ದರು. ಈ ಹಿನ್ನಲೆಯಲ್ಲಿ ಅಡ್ಯಾರ್ ನಲ್ಲಿದ್ದ ರೂಂ ನಿಂದ ಕೆಲಸಕ್ಕೆ ಹೊರಟಾಗ ಈ ಅಪಘಾತ ನಡೆದಿದೆ.

  ಇವರು ಚಲಾಯಿಸುತ್ತಿದ್ದ ನೋಂದಣಿ ಸಂಖ್ಯೆ KA 20 TJ 8700 ಕೆಟಿಎಂ ಬೈಕ್ , ನೋಂದಣಿ ಸಂಖ್ಯೆ KA 19 AA 5805ಯ ಕಂಟೈನರ್ ಲಾರಿಯನ್ನು ಓವರ್ ಟೇಕ್ ಮಾಡುವ ಭರದಲ್ಲಿ ಲಾರಿಗೆ ಬೈಕ್ ಹಿಂದಿನಿಂದ ಢಿಕ್ಕಿ ಹೊಡೆದಿದೆ. ತಕ್ಷಣ ಇವರನ್ನು ಆಸ್ಪತೆಗೆ ದಾಖಲಿಸಲಾಯಿತಾದರೂ ಚಿಕಿತ್ಸೆ ಫಲಕಾರಿಯಾಗದೆ ಅವರು ಮೃತಪಟ್ಟಿದ್ದಾರೆ. ಕದ್ರಿ ಸಂಚಾರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.