ಸುರತ್ಕಲ್‌: ಶಿಬರೂರು ಸೇತುವೆ ಬಳಿ ಹುಲಿ-ಸ್ಥಳೀಯರ ಆತಂಕಕ್ಕೆ ಕಾರಣವಾದ ಸುಳ್ಳು ವೀಡಿಯೋ

•   Sat, Apr 02 2022 10:20:17 AM



• ಸುರತ್ಕಲ್‌, ಏ 02 (DaijiworldNews/DB): ಶಿಬರೂರು ಸೇತುವೆ ಬಳಿ ಹುಲಿಯೊಂದು ಸಂಚರಿಸುತ್ತಿದ್ದು, ಜನ ಎಚ್ಚರಿಕೆಯಿಂದ ಇರಬೇಕು ಎಂದು ಮನವಿ ಮಾಡುವ ವೀಡಿಯೋವೊಂದು ಸಾಮಾಜಿಕ ತಾಣದಲ್ಲಿ ಹರಿದಾಡುತ್ತಿದ್ದು, ಸ್ಥಳೀಯರ ಆತಂಕಕ್ಕೆ ಕಾರಣವಾಗಿದೆ.

  ಸುರತ್ಕಲ್‌ ಹೊರವಲಯದ ಸೂರಿಂಜೆ ಕಿನ್ನಿಗೋಳಿ ರಸ್ತೆಯ ಶಿಬರೂರು ಸೇತುವೆ ಬಳಿ ಹುಲಿ ಇರುವುದನ್ನು ನೋಡಿದ್ದೇವೆ. ಹಾಗಾಗಿ ಜನ ಜಾಗೃತೆಯಿಂದ ಸಂಚರಿಸಬೇಕು ಎಂಬ ಆಡಿಯೋ ಹೊಂದಿರುವ ವೀಡಿಯೋ ವೈರಲ್ ಆಗಿತ್ತು. ವೀಡಿಯೋದಲ್ಲಿ ಹುಲಿ ಸೇತುವೆ ದಾಟುವ ತುಣುಕನ್ನು ತೋರಿಸಲಾಗಿತ್ತು. ವಾಟ್ಸಾಪ್ ನಲ್ಲಿ ಇದು ಹರಿದಾಡುತ್ತಿದ್ದಂತೆ ಸ್ಥಳೀಯರ ಭೀತಿ ಹೆಚ್ಚಿತ್ತು.

  ಬಳಿಕ ಕಂದಾಯ ಅಧಿಕಾರಿಗಳನ್ನು ಸಂಪರ್ಕಿಸಿದಾಗ, ಹುಲಿ ಇರುವುದು ಸುಳ್ಳು. ಯಾರೋ ಕಿಡಿಗೇಡಿಗಳು ವೀಡಿಯೋ ಹರಿಬಿಟ್ಟಿದ್ದಾರೆ ಎಂದು ಸ್ಪಷ್ಟನೆ ನೀಡಿದ್ದಾರೆ.