ಕುಂದಾಪುರ: ಮಹಿಳೆ ಜತೆ ಬಸ್ ನಲ್ಲಿ ಅನುಚಿತವಾಗಿ ವರ್ತಿಸಿದ ಧರ್ಮಗುರುವಿಗೆ ಧರ್ಮದೇಟು

•   Sat, Dec 22 2018 11:25:01 AM



• ಕುಂದಾಪುರ,ಡಿ 22(MSP): ಉಡುಪಿಯಿಂದ ಕೋಟಕ್ಕೆ ಖಾಸಗಿ ಬಸ್ ನಲ್ಲಿ ಧರ್ಮಗುರುವೊಬ್ಬರು ಅನುಚಿತವಾಗಿ ವರ್ತಿಸಿದ ಘಟನೆ ಡಿ.೨೧ ರ ಶುಕ್ರವಾರ ಸಂಜೆ ನಡೆದಿದೆ. ಮಹಿಳೆ ಉಡುಪಿಯಲ್ಲಿ ಬಸ್ ಗೆ ಹತ್ತಿದಾಗ ಅದೇ ಬಸ್ ನಲ್ಲಿ ಮಂಗಳೂರಿನ ತೊಕ್ಕೊಟ್ಟು ನಿವಾಸಿ ವಾವುಂದ ಬಡಾಕೆರೆಯ ಧರ್ಮಗುರು ಮೊಹಮ್ಮದ್ ಸಮೀದ್ ಉಡುಪಿಯಿಂದ ಕೋಟದವರೆಗೂ ಮಹಿಳೆ ಜತೆ ಅನುಚಿತವಾಗಿ ವರ್ತಿಸಿದ್ದಾನೆ.

  

  ಮಹಿಳೆ ಪ್ರತಿಭಟಿಸಿದಾಗ ಕೋಟ ಮೂರ್ ಕೈ ಯಲ್ಲಿ ಧರ್ಮಗುರು ಸಮೀದ್ ಬಸ್ ನಿಂದ ಇಳಿದು ಪರಾರಿಯಾಗಲು ಯತ್ನಿಸಿದ್ದಾನೆ. ಮಹಿಳೆಯೂ ಬಸ್ ನಿಂದ ಇಳಿದು ಆತನಿಗೆ ಹೊಡೆಯಲು ಆರಂಭಿಸಿದ್ದಾಗ ಸ್ಥಳೀಯರು ಘಟನೆ ವಿವರ ಪಡೆದು ಧರ್ಮಗುರುವಿಗೆ ಧರ್ಮದೇಟು ನೀಡಿದ್ದಾರೆ.

  ಬಳಿಕ ಅಲ್ಲೇ ಗಸ್ತಿನಲ್ಲಿದ್ದ ಕೋಟ ಠಾಣೆಯ ಠಾಣಾಧಿಕಾರಿ ನರಸಿಂಹ ಶೆಟ್ಟಿ ಘಟನೆಯ ವಿವರ ಪಡೆದು ಆರೋಪಿಯನ್ನು ಜೀಪಿನಲ್ಲಿ ಕುಳ್ಳಿರಿಸಿ ಠಾಣೆಗೆ ಕರೆತಂದರು .ಈತನ ವಿರುದ್ದ ಕೋಟ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.