ಮಂಗಳೂರು: ಚಾರ್ಟರ್ಡ್‌ ಅಕೌಂಟೆಂಟ್ ಮುರಳಿಮೋಹನ್ ಭಟ್ ನಿಧನ

•   Sat, Mar 19 2022 06:29:00 PM



• ಮಂಗಳೂರು, ಮಾ 19 (DaijiworldNews/HR): ಖ್ಯಾತ ಚಾರ್ಟರ್ಡ್‌ ಅಕೌಂಟೆಂಟ್ (ಸಿಎ) ಮುರಳಿಮೋಹನ್ ಭಟ್(52 ) ಅವರು ಶುಕ್ರವಾರ ಸಂಜೆ ಮಂಗಳೂರಿನಲ್ಲಿ ಕೊನೆಯುಸಿರೆಳೆದಿದ್ದಾರೆ.

  ಮುರಳಿಮೋಹನ್ ಭಟ್ ಅವರು 1994ರಲ್ಲಿ ಮಂಗಳೂರಿನಲ್ಲಿ ಸಿಎ ಆಗಿ ಅಭ್ಯಾಸವನ್ನು ಪ್ರಾರಂಭಿಸಿ ಬಳಿಕ 2005 ರಿಂದ ಪ್ರಸಿದ್ಧ ಸಿಎ ಸಂಸ್ಥೆಯ ಮನೋಹರ್ ಚೌಧರಿ ಮತ್ತು ಅಸೋಸಿಯೇಟ್ಸ್‌ನ ಮಂಗಳೂರು ಶಾಖೆಯ ಮುಖ್ಯಸ್ಥರಾಗಿ, ಕಾರ್ಪೊರೇಷನ್ ಬ್ಯಾಂಕ್, ಕರ್ನಾಟಕ ಬ್ಯಾಂಕ್ ಲಿಮಿಟೆಡ್, ಎಂಆರ್‌ಪಿಎಲ್ ನ ಲೆಕ್ಕಪರಿಶೋಧನೆಯನ್ನು ನಡೆಸಿದರು.

  ಇನ್ನು ಆರು ವರ್ಷಗಳ ಕಾಲ ಮುರಳಿಮೋಹನ್ ಭಟ್ ಅವರು ಐಸಿಎಐಯ ಮಂಗಳೂರು ಶಾಖೆಯ ವ್ಯವಸ್ಥಾಪಕ ಸಮಿತಿಯಲ್ಲಿ ಸೇವೆ ಸಲ್ಲಿಸಿದ್ದು, 2012-13 ರಲ್ಲಿ ಅದರ ಅಧ್ಯಕ್ಷರಾಗಿದ್ದರು.

  ಮೃತರು ಪತ್ನಿ ಶ್ರೀಮತಿ ವೈಶಾಲಿ, ಮಗಳು ಡಾ ರೂಪಾಲಿ ಮತ್ತು ಪೋಷಕರು, ಬಂಧು ಮಿತ್ರರನ್ನು ಅಗಲಿದ್ದಾರೆ.

  ಮುರಳಿಮೋಹನ್ ಭಟ್ ಅವರ ಅಂತ್ಯಕ್ರಿಯೆಯನ್ನು ಬೀಡಿನಗುಡ್ಡೆ ಸ್ಮಶಾನದಲ್ಲಿ ನಡೆಸಲಾಯಿತು.