ಬೆಳಗಾವಿ: ಸತೀಶ್ ಜಾರಕೀಹೊಳಿ ಕೂಡ ಸಿಎಂ ಆಗಬಹುದು-ಸಿದ್ದರಾಮಯ್ಯ

•   Fri, Dec 21 2018 08:01:12 AM



• ಬೆಳಗಾವಿ, ಡಿ 21(SM): 'ಸತೀಶ್ ಜಾರಕಿಹೊಳಿ ಪರ ಮಾಜಿ ಸಿಎಂ ಸಿದ್ದರಾಮಯ್ಯ ಬ್ಯಾಟ್ ಬೀಸಿದ್ದಾರೆ. ಸತೀಶ್ ಜಾರಕಿಹೊಳಿ ಯಾಕೆ ಮುಖ್ಯಮಂತ್ರಿಯಾಗಬಾರದೆಂದು ಅವರು ಪ್ರಶ್ನಿಸಿದ್ದಾರೆ.

  

  ಸಿದ್ದರಾಮಯ್ಯ ಅವರು ಸತೀಶ್ ಜಾರಕಿಹೊಳಿ ಪರ ಏಕಾಏಕಿ ಬ್ಯಾಟಿಂಗ್ ಮಾಡಿರುವುದು ಎಲ್ಲರಲ್ಲೂ ಆಶ್ಚರ್ಯ ಹುಟ್ಟಿಸಿದೆ. ಬಾದಾಮಿಯಲ್ಲಿ ಸುದ್ದಿಗಾರರ ಪ್ರಶ್ನೆಗಳಿಗೆ ಉತ್ತರಿಸಿದ ಸಿದ್ದರಾಮಯ್ಯ ಅವರು, ಸಿಎಂ ಕುರ್ಚಿಗೆ ಯಾರೋ ಒಬ್ಬರು ಗೂಟ ಹೊಡೆದ ಕೂತುಕೊಳ್ಳುವುದಕ್ಕೆ ನನ್ನ ವಿರೋಧವಿದೆ' ಎಂದರು.

  ನಾನು ಸಮಾಜವಾದದಲ್ಲಿ ನಂಬಿಕೆ ಇಟ್ಟವನು. ಸತೀಶ್ ಜಾರಕಿಹೊಳಿ ಕೂಡ ಒಂದು ಬಾರಿ ಸಿಎಂ ಆಗಬೇಕು, ಅವನಿಗೆ ಅರ್ಹತೆ ಇದೆ ಎಂದು ಸಿದ್ದರಾಮಯ್ಯ ಹೇಳಿದರು. ಎಲ್ಲ ಸಮಾಜದವರಿಗೂ ಅವಕಾಶ ಕೊಡಲಾಗುವುದು. ಅದು ಬರುವವರೆಗೂ ಕಾಯಬೇಕು, ನಾವು ಕಾದುನೋಡುವ ಎಂದು ಸಿದ್ದರಾಮಯ್ಯ ಹೇಳಿದ್ದಾರೆ.