ಕುಂದಾಪುರ: ಅಕ್ರಮ ದನ ಸಾಗಾಟದ ಶಂಕೆ - ಸ್ಕಾರ್ಪಿಯೋ ವಾಹನ ವಶಕ್ಕೆ

•   Thu, Dec 20 2018 09:40:17 AM



• ಕುಂದಾಪುರ, ಡಿ 20(MSP): ಅಕ್ರಮವಾಗಿ ಜಾನುವಾರು ಸಾಗಾಟಕ್ಕೆ ಯತ್ನಿಸುತ್ತಿದ್ದ ಸಂದರ್ಭ ಪೊಲೀಸರು ನಡೆಸಿದ ದಾಳಿಯಲ್ಲಿ ಆರೋಪಿಗಳು ತಪ್ಪಿಕೊಂಡಿದ್ದು, ಸ್ಕಾರ್ಪಿಯೋ ವಾಹನ ವಶಪಡಿಸಿಕೊಂಡ ಘಟನೆ ಬುಧವಾರ ಮಧ್ಯಾಹ್ನ ರಾಷ್ಟ್ರೀಯ ಹೆದ್ದಾರಿ 66ರಲ್ಲಿ ನಡೆದಿದೆ.

  

  

  ಮಧ್ಯಾಹ್ನ 1.30 ರ ಸುಮಾರಿಗೆ ರಾಷ್ಟ್ರೀಯ ಹೆದ್ದಾರಿ 66ರಲ್ಲಿ ಕುಬೇರ ಹೋಟೆಲ್ ಪಕ್ಕದಲ್ಲಿ ಕೆಂಪು ಬಣ್ಣದ ಸ್ಕಾರ್ಪಿಯೋ ವಾಹನವೊಂದು ನಿಂತಿದ್ದು ಹೊಯ್ಸಳ ವಾಹನ ಸಮೀಪ ಬರುತ್ತಿದ್ದಾಗ ಆರು ಜನ ಅಪರಿಚಿತರ ತಂಡ ಕರುವೊಂದನ್ನು ಸ್ಕಾರ್ಪಿಯೋ ವಾಹನದ ಒಳಗೆ ತುಂಬಿಸಲು ಯತ್ನಿಸುತ್ತಿದ್ದುದನ್ನು ಗಮನಿಸಿದ್ದಾರೆ ಎನ್ನಲಾಗಿದೆ. ತಕ್ಷಣ ಸ್ಥಳಕ್ಕೆ ಪೊಲಿಸರು ಧಾವಿಸಿದಾಗ ಆರೂ ಜನ ಆರೋಪಿಗಳು ವಾಹನವನ್ನು ಬಿಟ್ಟು ತಪ್ಪಿಸಿಕೊಂಡಿದ್ದಾರೆ ಎಂದು ತಿಳಿದು ಬಂದಿದೆ.

  ಸ್ಕಾರ್ಪಿಯೋ ವಾಹನದಲ್ಲಿ ಟರ್ಪಾಲು, ಚೂರಿ, ನೈಲಾನ್ ಹಗ್ಗ, ಮರದ ಮಣೆ, ಮಂಕಿ ಕ್ಯಾಪ್‌ಗಳು, ನೈಟ್ ಪ್ಯಾಂಟ್, ಟಿ ಶರ್ಟ್, ಕೆಎ೦3-ಎಂಎಕ್ಸ್ 4233 ಸಂಖ್ಯೆಯ ಎರಡು ನಂಬರ್ ಪ್ಲೇಟ್‌ಗಳು ಪತ್ತೆಯಾಗಿವೆ. ಪೊಲೀಸರು ಸೊತ್ತುಗಳನ್ನು ವಶಪಡಿಸಿಕೊಂಡು ಕುಂದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.