ಉಡುಪಿ : ವಿದ್ಯಾಪೋಷಕ್ ವಿದ್ಯಾರ್ಥಿಗಳಿಗೆ ಕುಕ್ಕರ್ ವಿತರಣೆ

•   Mon, Feb 28 2022 11:17:44 AM



• ಉಡುಪಿ, ಫೆ 28 (DaijiworldNews/MS): ಯಕ್ಷಗಾನ ಕಲಾರಂಗದ ವಿದ್ಯಾಪೋಷಕ್ ಫಲಾನುಭವಿ 15 ವಿದ್ಯಾರ್ಥಿಗಳಿಗೆ ಉಡುಪಿ C4U ಚಾನಲ್‍ನ ಮಾಲಕರು ಮತ್ತು ಕೇಬಲ್ ಆಪರೇಟರ್ ಆಗಿರುವ ಗುರುರಾಜ ಅಮೀನ್ ಕೊಡಮಾಡಿದ ಕುಕ್ಕರ್ ವಿತರಣೆ ಫೆಬ್ರವರಿ 27, 2022 ರಂದು ಸಂಸ್ಥೆಯ ಕಛೇರಿಯಲ್ಲಿ ಜರಗಿತು.

  ಗುರುರಾಜ್ ಅಮೀನ್ ಹಾಗೂ ಜಯಲಕ್ಷ್ಮೀ ಗುರುರಾಜ ಅಮೀನ್ ದಂಪತಿಗಳು ಕುಕ್ಕರ್, ಹಾಟ್ ಬಾಕ್ಸ್, ತವಾವನ್ನೊಳಗೊಂಡ ಗಿಫ್ಟ್ ಬಾಕ್ಸ್ ವಿತರಿಸಿ ವಿದ್ಯಾರ್ಥಿಗಳಿಗೆ ಶುಭಹಾರೈಸಿದರು. ಸಮಾರಂಭದಲ್ಲಿ ಯುವ ಉದ್ಯಮಿ ಸಜಿತ್ ಹೆಗ್ಡೆ, ಸಂತೋಷ್ ಕುಮಾರ್ ಶೆಟ್ಟಿ ಉಪಸ್ಥಿತರಿದ್ದರು.

  ಈ ಸಂದರ್ಭದಲ್ಲಿ ಕರಾಟೆಯಲ್ಲಿ ರಾಷ್ಟ್ರಮಟ್ಟಕ್ಕೆ ಆಯ್ಕೆಯಾದ ವಿದ್ಯಾಪೋಷಕ ಫಲಾನುಭವಿ ವಿದ್ಯಾರ್ಥಿ ಸೋಮಪ್ಪ ಇವರನ್ನು ಸಂಸ್ಥೆಯ ವತಿಯಿಂದ ಗೌರವಿಸಲಾಯಿತು. ಸಂಸ್ಥೆಯ ಅಧ್ಯಕ್ಷ ಎಂ. ಗಂಗಾಧರ ರಾವ್ ಸ್ವಾಗತಿಸಿ ಗುರುರಾಜ್ ಅಮೀನ್‍ರು ಈಗಾಗಲೇ ಮೂವರು ವಿದ್ಯಾರ್ಥಿಗಳ ಮನೆಯ ಪ್ರಾಯೋಜಕತ್ವ ವಹಿಸಿಕೊಂಡದ್ದನ್ನು ಸ್ಮರಿಸಿಕೊಂಡರು. ಪ್ರೊ. ನಾರಾಯಣ ಎಂ. ಹೆಗಡೆ ವಂದಿಸಿದರು. ಕಾರ್ಯದರ್ಶಿ ಮುರಲಿ ಕಡೆಕಾರ್ ಪ್ರಾಸಾವಿಕ ಮಾತುಗಳೊಂದಿಗೆ ಕಾರ್ಯಕ್ರಮ ನಿರ್ವಹಿಸಿದರು.