ಕಾರ್ಕಳ: ದನವನ್ನು ಮೇಯಲು ಕೊಂಡೊಯ್ದ ಮಹಿಳೆ ನಿಗೂಢ ಸಾವು, ಬಾವಿಯಲ್ಲಿ ಶವ ಪತ್ತೆ

•   Sat, Dec 01 2018 09:32:20 AM



• ಕಾರ್ಕಳ, ನ 01(SM): ತಾಲೂಕಿನ ದುರ್ಗಾ ಗ್ರಾಮದ ಪಲಾಯಿ ಬಾಕ್ಯಾರು ಎಂಬಲ್ಲಿ ನವ ವಿವಾಹಿತೆಯೊಬ್ಬರ ಶವ ಬಾವಿಯಲ್ಲಿ ಪತ್ತೆಯಾಗಿದೆ. ಸವಿತಾ ಲೋಬೊ ಮೃತ ಮಹಿಳೆ ಸವಿತಾ ಲೋಬೊ ಎಂಬಾಕೆ ನಿಗೂಢ ರೀತಿಯಲ್ಲಿ ಮೃತಪಟ್ಟವರು. ಬಂಟ್ವಾಳ ತಾಲೂಕು ಬಿಳಯೂರು ನಡುಮನೆಯ ಸವಿತಾ ಲೋಬೊ, ದುರ್ಗಾ ಗ್ರಾಮದ ಪಲಾಯಿ ಬಾಕ್ಯಾರುವಿನ ಫ್ರಾನ್ಸಿಸ್ ಕಾರ್ಡೊಜಾ ಎಂಬವರೊಂದಿಗೆ 2017 ಡಿಸೆಂಬರ್ 28ರಂದು ಕಾರ್ಕಳ ಕ್ರೈಸ್ತ್‌ ಕಿಂಗ್ ಚರ್ಚ್‌ನಲ್ಲಿ ವಿವಾಹವಾಗಿದ್ದರು.

  

  ಸಾಂದರ್ಭಿಕ ಚಿತ್ರ

  ವಿದೇಶದಲ್ಲಿ ಉದ್ಯೋಗದಲ್ಲಿದ್ದ ಫ್ರಾನ್ಸಿಸ್ ಕಾರ್ಡೊಜಾ ವಿವಾಹವಾಗಿ ಸ್ಪಲ್ಪ ದಿನದಲ್ಲಿಯೇ ಮರಳಿ ವಿದೇಶಕ್ಕೆ ತೆರಳಿದ್ದರು. ಪತ್ನಿ ಸವಿತಾ ಲೋಬೋ ಪತಿಯ ಮನೆಯಲ್ಲಿ ಅತ್ತೆಯೊಂದಿಗೆ ವಾಸ್ತವ್ಯದಲ್ಲಿದ್ದರು. ಪತಿಯ ಮನೆಯಲ್ಲಿ ಕೃಷಿ ಕಾಯಕದಲ್ಲಿ ತೊಡಗಿಸಿಕೊಂಡಿದ್ದ ಸವಿತಾ ಲೋಬೋ ಶುಕ್ರವಾರ ಮಧ್ಯಾಹ್ನ 2 ಗಂಟೆಯ ವೇಳೆಗೆ ದನವನ್ನು ತೋಟಕ್ಕೆ ಮೇಯಲು ಕೊಂಡು ಹೋಗಿದ್ದರು ಎಂದು ತಿಳಿದು ಬಂದಿದೆ. ಇದಾದ ಸ್ಪಲ್ಪ ಹೊತ್ತಿನಲ್ಲಿಯೇ ಆಕೆಯ ಶವ ತೋಟದ ಬಾವಿಯಲ್ಲಿ ಪತ್ತೆಯಾಗಿದೆ.

  ಸವಿತಾ ಲೋಬೋ ನಿಗೂಢ ಸಾವಿನ ಕುರಿತು ಆಕೆಯ ತವರು ಮನೆಯವರು ಸಂಶಯ ವ್ಯಕ್ತಪಡಿಸಿ ಗ್ರಾಮಾಂತರ ಠಾಣೆಗೆ ದೂರು ಸಲ್ಲಿಸಿದ್ದಾರೆ.
  
  ಈ ಬಗ್ಗೆ ಕಾರ್ಕಳ ಗ್ರಾಮಾಂತರ ಠಾಣೆಯಲ್ಲಿ ಕೇಸುದಾಖಲಿಸಿಕೊಂಡು ತನಿಖೆ ಮುಂದುವರೆಸಿದ್ದಾರೆ.