ಭಗವಾಧ್ವಜ ಕಿತ್ತೆಸೆದಿದ್ದ ಪೊಲೀಸರು, ಮರು ಸ್ಥಾಪಿಸಿ ಎಚ್ಚರಿಕೆ ನೀಡಿದ ಶಾಸಕ ಹರೀಶ್ ಪೂಂಜಾ

•   Sat, Dec 01 2018 09:10:09 AM



• ಬೆಳ್ತಂಗಡಿ, ಡಿ 01(SM): ತಾಲೂಕಿನ ಪೆರಾಡಿ ಎಂಬಲ್ಲಿನ ಕಟ್ಟೆಯೊಂದರಲ್ಲಿದ್ದ ಮಾವಿನ ಮರಕ್ಕೆ ಹಾಕಿದ್ದ ಭಗವಾಧ್ವಜವನ್ನು ಪೋಲಿಸರು ಏಕಾ‌ಏಕಿ ಕಿತ್ತುಹಾಕಿದ ಹಿನ್ನಲೆಯಲ್ಲಿ ಹಿಂದೂ ಸಂಘಟನೆಯ ಕಾರ್ಯಕರ್ತರು ಆಕ್ರೋಶ ವ್ಯಕ್ತಪಡಿಸಿದ ಘಟನೆ ನಡೆದಿದೆ.

  

  ಮಾಹಿತಿ ತಿಳಿದು ಸ್ಥಳಕ್ಕಾಗಮಿಸಿದ ಶಾಸಕ ಹರೀಶ್ ಪೂಂಜ‌ ಅವರು ಮತ್ತೆ ಭಗವಾಧ್ವಜವನ್ನು ಹಾರಿಸಿದ್ದು ಇದನ್ನು ತೆಗೆದರೆ ‌ಉಗ್ರ ಹೋರಾಟ ನಡೆಸುವುದಾಗಿ ಎಚ್ಚರಿಸಿದ್ದಾರೆ. ಈ ಮಾವಿನ ಮರವನ್ನು ಹಿಂದೂ ಸಂಘಟನೆಗಳ ಕಾರ್ಯಕರ್ತರು ಹದಿನೈದು ವರ್ಷಗಳ ಹಿಂದೆ ನೆಟ್ಟಿದ್ದು ಬಳಿಕ ಅದಕ್ಕೆ ಸುತ್ತಲೂ ಸುಂದರವಾದ ಕಟ್ಟೆಯೊಂದನ್ನೂ ಕಟ್ಟಿದ್ದಾರೆ.

  ಕೆಲವು ವರ್ಷಗಳಿಂದ ಮರದ ತುದಿಗೆ ಭಗವಾಧ್ವಜವನ್ನು ಹಾರಿಸುವುದನ್ನು ರೂಢಿಸಿಕೊಂಡು ಬಂದಿದ್ದರು. ಆದರೆ, ಏಕಾ‌ಏಕಿ ಪೋಲಿಸರು ಭಗವಾಧ್ವಜವನ್ನು ತೆಗದುಹಾಕಿರುವುದು ಹಿಂದೂಗಳ ಆಕ್ರೋಶಕ್ಕೆ ಕಾರಣವಾಗಿದೆ. ಈ ಹಿನ್ನೆಲೆಯಲ್ಲಿ ಶಾಸಕ ಹರೀಶ್ ಪೂಂಜ‌ ಅವರ ನೇತೃತ್ವದಲ್ಲಿ ಮತ್ತೆ ಭಗವಾಧ್ವಜವನ್ನು ಸ್ಥಾಪಿಸಿದ್ದಾರೆ. ಮತ್ತೆ ಧ್ವಜ ತೆಗೆಯುವ ಕೆಲಸಕ್ಕಿಳಿದರೆ ಸುಮ್ಮನಿರುವುದಿಲ್ಲ ಎಂದು ಖಡಕ್ಕಾಗಿ‌ ಎಚ್ಚರಿಸಿದ್ದಾರೆ.