ಕಾಸರಗೋಡು: ಅಪಘಾತದಲ್ಲಿ ಗಂಭೀರ ಗಾಯಗೊಂಡಿದ್ದ ಯುವಕ ಸಾವು

•   Wed, Nov 28 2018 03:48:52 PM



• ಕಾಸರಗೋಡು, ನ 28(MSP) : ಬೈಕ್ - ಸ್ಕೂಟರ್ ಡಿಕ್ಕಿ ಹೊಡೆದು ಗಂಭೀರ ಗಾಯಗೊಂಡು ಮಂಗಳೂರು ಆಸ್ಪತ್ರೆಗೆ ದಾಖಲಿಸಲಾಗಿದ್ದ ಸವಾರ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ. ಬಾಯಾರು ಕನಿಯಾಲ ಕೋಡಿಯ ಅಬ್ದುಲ್ ನಾಸರ್ (18) ಮೃತಪಟ್ಟವನು .

  

  ನವಂಬರ್ ೨೦ ರಂದು ರಾತ್ರಿ ಉಪ್ಪಳ ಸಮೀಪದ ಸೋಂಕಾಲ್ ನಲ್ಲಿ ಅಪಘಾತ ನಡೆದಿತ್ತು. ಅಪಘಾತದಿಂದ ಗಂಭೀರ ಗಾಯಗೊಂಡ ಸ್ಕೂಟರ್ ಸವಾರ ನಾಸರ್ ನನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಉಪ್ಪಳದ ತರಕಾರಿ ಅಂಗಡಿಯೊಂದರಲ್ಲಿ ನಾಸರ್ ಕೆಲಸ ನಿರ್ವಹಿಸುತ್ತಿದ್ದನು.

  ನಾಸರ್ ಜೊತೆಗಿದ್ದ ಬೇಕೂರಿನ ಅಝೀಜ್, ಬೈಕ್ ಸವಾರ ಬಾಯಾರಿನ ಹಾಶಿಮ್ ಗಾಯಗೊಂಡಿದ್ದರು. ಮಂಜೇಶ್ವರ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.