ಮಂಗಳೂರು: ಗುರುಪುರ ಸೇತುವೆ ದುರಸ್ಥಿ ಹಿನ್ನೆಲೆ, ಸಂಚಾರಕ್ಕೆ ಬದಲಿ ವ್ಯವಸ್ಥೆ

•   Tue, Nov 27 2018 10:41:52 PM



• ಮಂಗಳೂರು, ನ 27(SM): ಮಂಗಳೂರಿನಿಂದ ಮೂಡುಬಿದಿರೆ ಸಂಪರ್ಕಿಸುವ ಹೆದ್ದಾರಿ ಮಧ್ಯೆ ಇರುವ ಗುರುಪುರ ಸೇತುವೆ ಸಂಚಾರಕ್ಕೆ ಅಯೋಗ್ಯವಾಗಿದೆ. ಈ ಹಿನ್ನೆಲೆ ಇಂದು ರಾತ್ರಿ ವೇಳೆ ಸೇತುವೆ ದುರಸ್ಥಿಗೊಳಿಸಲಾಗುತ್ತಿದೆ.

  

  ಸೇತುವೆ ದುರಸ್ಥಿಗೊಳಿಸುತ್ತಿರುವ ಹಿನ್ನೆಲೆ ವಾಹನಗಳ ಸಂಚಾರಕ್ಕೆ ಬದಲಿ ವ್ಯವಸ್ಥೆಯನ್ನು ಮಾಡಲಾಗಿದೆ. ಮಂಗಳೂರಿನಿಂದ ತೆರಳುವ ವಾಹನಗಳಿಗೆ ಮಂಗಳಜ್ಯೋತಿಯಿಂದ ಪಚ್ಚನಾಡಿ-ಕಾವೂರು-ಬಜ್ಪೆ-ಗುರುಪುರ-ಮೂಡುಬಿದಿರೆ ಮಾರ್ಗವಾಗಿ ಸಂಚರಿಸಲು ಸೂಚಿಸಲಾಗಿದೆ. ಇದಕ್ಕೆ ಪೊಲೀಸರು ಮಂಗಳಜ್ಯೋತಿಯಿಂದ ವಾಹನಗಳನ್ನು ಬದಲಿ ಮಾರ್ಗದ ಮೂಲಕ ಕಳುಹಿಸುವ ಕಾರ್ಯವನ್ನು ಮಾಡುತ್ತಿದ್ದಾರೆ. ನಗರದಿಂದ ತೆರಳುವ ವಾಹನಗಳು ನೇರವಾಗಿ ನಂತೂರಿನಿಂದ ಬಜ್ಪೆಗೆ ತೆರಳಿ ಅಲ್ಲಿಂದ ಗುರುಪುರಕ್ಕೆ ತೆರಳಬಹುದಾಗಿದೆ.