ಕಾಸರಗೋಡು: ಬೈಕ್ ರೇಸ್ ವೇಳೆ ಕಲ್ಲು ತೂರಾಟ, ಪೊಲೀಸರಿಂದ ತೀವ್ರಗೊಂಡ ಶೋಧ

•   Wed, Nov 21 2018 08:16:33 PM



• ಕಾಸರಗೋಡು, ನ 21(SM): ಬೈಕ್ ರೇಸ್ ನಡೆಸುತ್ತಿದ್ದ ತಂಡದ ಮೇಲೆ ಗುಂಪೊಂದು ಕಲ್ಲು, ಬಾಟ್ಲಿ ಎಸೆದ ಘಟನೆ ಕಾಸರಗೋಡಿನ ಕರಂದಕ್ಕಾಡ್ ನಲ್ಲಿ ಮಂಗಳವಾರ ಸಂಜೆ ನಡೆದಿದ್ದು, ಘಟನೆಯ ಬಗ್ಗೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.

  

  

  ಘಟನೆಯ ವಿಡಿಯೋ ಸಾಮಾಜಿಕ ಜಾಲ ತಾಣಗಳಲ್ಲಿ ಹರಿದಾಡುತ್ತಿದೆ. ಮಿಲಾದ್ ದಿನವಾದ ಮಂಗಳವಾರ ಸಂಜೆ ಯುವಕರು ಬೈಕ್ ರೇಸ್ ಆಯೋಜಿಸಿದ್ದರು. ಈ ಸಂದರ್ಭದಲ್ಲಿ ಗುಂಪೊಂದು ದಾಳಿ ನಡೆಸಿದೆ.

  ಇನ್ನು ಘರ್ಷಣೆಗೆ ಕಾರಣವಾದ ಗುಂಪು ಕಲ್ಲು, ಬಾಟ್ಲಿಗಳನ್ನು ಎಸೆದಿದ್ದು, ಸ್ಥಳಕ್ಕೆ ಬಂದ ಪೊಲೀಸರು ನಿಯಂತ್ರಣಕ್ಕೆ ತಂದಿದ್ದಾರೆ. ಬೈಕ್ ರೇಸ್ ಹಾಗೂ ಕಲ್ಲೆಸೆದವರ ಬಗ್ಗೆ ಪೊಲೀಸರು ಮಾಹಿತಿ ಕಲೆ ಹಾಕಿ ಕಠಿಣ ಕ್ರಮಕ್ಕೆ ಮುಂದಾಗಿದ್ದಾರೆ.