ಶಾಲಾ ಮಕ್ಕಳನ್ನು ಕರೆದೊಯ್ಯುತ್ತಿದ್ದ ರಿಕ್ಷಾಕ್ಕೆ ಲಾರಿ ಢಿಕ್ಕಿ - ಚಾಲಕ ಸಾವು, ಐವರು ಮಕ್ಕಳಿಗೆ ಗಾಯ

•   Wed, Nov 21 2018 02:30:01 PM



• ಕಾಸರಗೋಡು, ನ 21(MSP): ಮಕ್ಕಳನ್ನು ಶಾಲಾ ಕರೆದೊಯ್ಯುತ್ತಿದ್ದ ಆಟೋ ರಿಕ್ಷಾಕ್ಕೆ ಲಾರಿಯೊಂದು ಢಿಕ್ಕಿ ಹೊಡೆದ ಪರಿಣಾಮ ಆಟೋ ಚಾಲಕ ಮೃತಪಟ್ಟು, ಐವರು ವಿದ್ಯಾರ್ಥಿಗಳು ಗಾಯಗೊಂಡ ಘಟನೆ ಇಂದು ಬೆಳಗ್ಗೆ ಕುನಿಯ ಎಂಬಲ್ಲಿ ನಡೆದಿದೆ. 

  

  ಮೃತಪಟ್ಟವರನ್ನು ಆಟೋ ರಿಕ್ಷಾ ಚಾಲಕ ಪೆರಿಯಾಟಡ್ಕದ ಅನ್ಸಾರ್(35) ಎಂದು ಗುರುತಿಸಲಾಗಿದೆ . ಬುಧವಾರ ಬೆಳಗ್ಗೆ 11 ಗಂಟೆಗೆ ರಾಷ್ಟ್ರೀಯ ಹೆದ್ದಾರಿಯ ಕುನಿಯ ಎಂಬಲ್ಲಿ ಅಪಘಾತ ನಡೆದಿದೆ. ಕುನಿಯ ಶಾಲೆಗೆ ಮಕ್ಕಳ ನ್ನು ಕರೆದೊಯ್ಯುತ್ತಿದ್ದಾಗ ಅಪಘಾತ ನಡೆದಿದೆ. ಗಾಯಗೊಂಡ ವಿದ್ಯಾರ್ಥಿಗಳನ್ನು ಚೆಂಗಳದ ಆಸ್ಪತ್ರೆಗೆ ದಾಖಲಿಸಲಾಗಿದೆ.