ಕಾಸರಗೋಡು: ಶಬರಿಮಲೆಗೆ ತೆರಳಲು ಯತ್ನಿಸಿದ ಹಿಂದೂ ಐಕ್ಯವೇದಿ ಅಧ್ಯಕ್ಷೆ ಕೆ.ಪಿ ಶಶಿಕಲಾ ಬಂಧನ

•   Sat, Nov 17 2018 08:43:15 AM



• ಕಾಸರಗೋಡು, ನ17(SS):  ಪೊಲೀಸ್ ಆದೇಶವನ್ನು ಉಲ್ಲಂಘಿಸಿ ಶಬರಿಮಲೆಗೆ ತೆರಳಲು ಯತ್ನಿಸಿದ ಹಿಂದೂ ಐಕ್ಯವೇದಿ ರಾಜ್ಯ ಅಧ್ಯಕ್ಷೆ ಕೆ.ಪಿ ಶಶಿಕಲಾ ಅವರನ್ನು ಪೊಲೀಸರು ಬಂಧಿಸಿದ್ದಾರೆ.

  

  

  ಕೆ.ಪಿ ಶಶಿಕಲಾ ಅವರ ಬಂಧನ ಪ್ರತಿಭಟಿಸಿ ಇಂದು ಬೆಳಿಗ್ಗೆ 6ರಿಂದ ಸಂಜೆ 6ರ ತನಕ ಕೇರಳದಲ್ಲಿ ಹರತಾಳಕ್ಕೆ ಹಿಂದೂ ಐಕ್ಯವೇದಿ ಮತ್ತು ಶಬರಿಮಲೆ ಕ್ರಿಯಾ ಸಮಿತಿ ಕರೆ ನೀಡಿದೆ. ಹರತಾಳದ ಹಿನ್ನಲೆಯಲ್ಲಿ, ಬಸ್ಸು ಸಂಚಾರ ಸಂಪೂರ್ಣ ಮೊಟಕುಗೊಂಡಿದೆ. ಕೆ.ಎಸ್.ಆರ್.ಟಿ.ಸಿ ಸೇರಿದಂತೆ ಯಾವುದೇ ಬಸ್ಸುಗಳು ರಸ್ತೆಗಿಳಿದಿಲ್ಲ ಎಂದು ಮೂಲಗಳು ತಿಳಿಸಿದೆ.

  ಮುಂಜಾನೆ 2 ಗಂಟೆಗೆ ಮರಕೂಟಂಗೆ ತಲುಪಿದ್ದ ಶಶಿಕಲಾ ಅವರನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಪೊಲೀಸರು, ಮುಂಜಾಗ್ರತಾ ಕ್ರಮವಾಗಿ ಬಂಧಿಸಿರುವುದಾಗಿ ತಿಳಿಸಿದ್ದಾರೆ .

  ರಾತ್ರಿ10 ಗಂಟೆ ಬಳಿಕ ಯಾರನ್ನು ಸನ್ನಿಧಾನಕ್ಕೆ ಬಿಡುವುದಿಲ್ಲ ಎಂದು ಪೊಲೀಸರು ತಿಳಿಸಿದ್ದರು. ಆದರೆ ಶಬರಿಮಲೆಗೆ ತೆರಳಲು ಶಶಿಕಲಾ ಪ್ರಯತ್ನಿಸಿದ್ದಾರೆ.