ಮೂಡುಬಿದ್ರೆ: ಬೈಕ್ ಲಾರಿ ಡಿಕ್ಕಿ; ಸಹಸವಾರ ಸಾವು

•   Sat, Oct 14 2017 08:16:44 PM



• ಮೂಡುಬಿದ್ರೆ,ಅ14: ಗುಂಡಿ ತಪ್ಪಿಸಲು ಹೋದ ಬೈಕ್ ಗೆ ಹಿಂಬದಿಯಿಂದ ಬಂದ ಲಾರಿಯೊಂದು ಡಿಕ್ಕಿ ಹೊಡೆದ ಪರಿಣಾಮ ಸಹಸವಾರ ಮೃತಪಟ್ಟು ಬೈಕ್ ಸವಾರ ಗಂಭೀರವಾಗಿ ಗಾಯಗೊಂಡ ಘಟನೆ ಮೂಡುಬಿದ್ರೆಯ ಬೆಳುವಾಯಿಯಲ್ಲಿ ನಡೆದಿದೆ. ಸಹಸವಾರ ಧರ್ಣಪ್ಪ ಮೃತ ದುರ್ದೈವಿ. ಇನ್ನು ಬೈಕ್ ಸವಾರ ಸುನಿಲ್ ಗಂಭೀರ ಗಾಯಗೊಂಡಿದ್ದು ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇವರಿಬ್ಬರು ಸಂಬಂಧಿಕರಾಗಿದ್ದು ಸಿದ್ಧಕಟ್ಟೆ ಮಂಚಿಕಲ್ಲು ನಿವಾಸಿಗಳಾಗಿದ್ದಾರೆ. ಇನ್ನು ಬೈಕ್ ಸವಾರ ಸುನಿಲ್ ಎದುರುಗಡೆ ಇದ್ದ ಹೊಂಡವನ್ನು ತಪ್ಪಿಸಲು ಬೈಕ್ ಸ್ಲೋ ಮಾಡಿದಾಗ ಹಿಂಬದಿಯಿಂದ ಬರುತ್ತಿದ್ದ ಲಾರಿಯು ಡಿಕ್ಕಿ ಹೊಡೆದು ಬೈಕ್ ಸಹಸವಾರ ಧರ್ಣಪ್ಪ ಎಂಬವರ ಮೇಲೆ ಹರಿದು ಹೋಗಿದೆ ಎನ್ನಲಾಗಿದೆ. ಘಟನೆ ಕುರಿತಂತೆ ಮೂಡುಬಿದ್ರೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.