ಉಳ್ಳಾಲ: ಸಲೂನಿನಲ್ಲಿ ಕೊಲೆ ಆರೋಪಿಗಳ ಮಧ್ಯೆ ಮಾರಾಮಾರಿ - ಓರ್ವ ಗಂಭೀರ

•   Wed, Nov 14 2018 10:30:47 AM



• ಉಳ್ಳಾಲ, ನ 14 ( MSP): ಕೊಲೆ ಪ್ರಕರಣದ ಆರೋಪಿಗಳಿಬ್ಬರ ನಡುವೆ ಮಾರಾಮಾರಿ ನಡೆದಿದ್ದು ಚೂರಿ ಇರಿತದಿಂದ ಒಬ್ಬಾತ ಗಂಭೀರ ಗಾಯಗೊಂಡು ಆಸ್ಪತ್ರೆಗೆ ಸೇರಿದರೆ, ಮತ್ತೊಬ್ಬನನ್ನು ಉಳ್ಳಾಲ ಪೊಲೀಸರು ಬಂಧಿಸಿದ್ದಾರೆ.  ಕೋಡಿ ನಿವಾಸಿ ಸುಹೈಲ್(24) ಬಂಧಿತ ಆರೋಪಿ. ಕೋಡಿ ನಿವಾಸಿ ಆಸೀಫ್ ಯಾನೆ ಆಚಿ (22) ಗಂಭೀರ ಸ್ಥಿತಿಯಲ್ಲಿ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

  

  ಘಟನೆ ವಿವರ: ಸುಹೈಲ್ ಮತ್ತು ಆಸೀಫ್ ಇಬ್ಬರೂ 2016 ರಲ್ಲಿ ನಸುಕಿನ ಜಾವ ಮೀನುಗಾರಿಕೆ ಕೆಲಸಕ್ಕೆ ತೆರಳುತ್ತಿದ್ದ ಮೊಗವೀರ ಸಮಾಜದ ರಾಜು ಕೋಟ್ಯಾನ್ ಎಂಬುವವರನ್ನು ಕಲ್ಲಿನಿಂದ ಹೊಡೆದು ಕೊಲೆ ಮಾಡಿದ್ದರು. ಇದಕ್ಕೆ ಪ್ರತೀಕಾರವಾಗಿ ಒಂದು ಕೊಲೆ ಮತ್ತು ಕೊಲೆಯತ್ನ ಪ್ರಕರಣವೂ ಉಳ್ಳಾಲದಲ್ಲಿ ನಡೆದಿತ್ತು. ಜಾಮೀನಿನ ಮೇಲೆ ಹೊರಬಂದಿರುವ ಸುಹೈಲ್ ಸಲೂನಿನಲ್ಲಿ ಕುಳಿತಿದ್ದಾಗ ಆಸೀಫ್ ಮತ್ತು ಮೂವರ ತಂಡ ಸ್ಥಳಬಂದು ರೇಜರ್ ನಿಂದ ಹಲ್ಲೆ ನಡೆಸಿದ್ದರು. ಆಗ ಸುಹೈಲ್ ಚೂರಿಯಿಂದ ಆಸೀಫ್ ಗೆ ಇರಿದು ಕೊಲೆಗೆ ಯತ್ನಿಸಿದ್ದಾನೆ. ಘಟನೆ ಸ್ಥಳದಲ್ಲಿ ಜನರು ಜಮಾಯಿಸಿದ್ದು, ಪೊಲೀಸರು ಸಕಾಲಕ್ಕೆ ಆಗಮಿಸಿ ಇಬ್ಬರನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಆಸಿಪ್ ಸ್ಥಿತಿ ಗಂಭೀರವಾಗಿದೆ

  ಆಸ್ಪತ್ರೆಯಿಂದ ಬಿಡುಗಡೆಗೊಂಡ ಸುಹೈಲ್ ಎಂಬಾತನನ್ನು ಬಂಧಿಸಿ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದೆ. ಉಳ್ಳಾಲ ಪೊಲೀಸ್ ಠಾಣೆಯಲ್ಲಿ ಎರಡು ಕೊಲೆಯತ್ನ ಪ್ರಕರಣಗಳು ದಾಖಲಾಗಿವೆ.