ಮಂಗಳೂರು: ಭೀಕರ ರಸ್ತೆ ಅಪಘಾತ, 26 ವರ್ಷದ ಯುವಕ ದಾರುಣ ಸಾವು

•   Tue, Nov 13 2018 10:52:26 PM



• ಮಂಗಳೂರು, ನ 13(SM): ಬೈಕ್, ಕಾರು ಹಾಗೂ ಬಸ್ ನಡುವೆ ನಡೆದ ಸರಣಿ ಅಪಘಾತವೊಂದರಲ್ಲಿ ಬೈಕ್ ಸವಾರ ದಾರುಣವಾಗಿ ಮೃತಪಟ್ಟ ಘಟನೆ ಮಂಗಳೂರಿನ ಕೆಪಿಟಿ ಬಳಿ ಇಂದು ರಾತ್ರಿ 8 ಗಂಟೆಯ ಸುಮಾರಿಗೆ ನಡೆದಿದೆ. ಮೃತ ಯುವಕನನ್ನು ಫಜೀರು ಮೂಲದ ರಾಫಾಯಲ್ ಡಿಸೋಜ ಹಾಗೂ ಮೇಬಲ್ ಡಿಸೋಜ ಎಂಬವರ ಪುತ್ರ ವಿಲ್ಸನ್ ಕ್ಯಾನಿಲ್ ಡಿಸೋಜ(26) ಎಂದು ಗುರುತಿಸಲಾಗಿದೆ.

  

  ಮೃತ ಯುವಕ ವಿಲ್ಸನ್

  

  

  ಅಪಘಾತದ ಸಂದರ್ಭ ರಸ್ತೆಗೆಸೆಯಲ್ಪಟ್ಟ ಬೈಕ್ ಸವಾರನ ಮೇಲೆ ಬಸ್ ಚಲಿಸಿದ ಪರಿಣಾಮ ಬೈಕ್ ಸವಾರ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಇನ್ನು ಬೈಕ್ ನಲ್ಲಿದ್ದ ಸಹಸವಾರ ಎಲ್ರೊಯ್ ಮೆಂಡೋನ್ಸಾ ಗಾಯಗೊಂಡಿದ್ದು, ಅವರನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

  ಅಪಘಾತದಲ್ಲಿ ಸಾವನ್ನಪ್ಪಿದ ವಿಲ್ಸನ್ ಕ್ಯಾನಿಲ್ ನ ಮೃತದೇಹವನ್ನು ಖಾಸಗಿ ಆಸ್ಪತ್ರೆಗೆ ರವಾನಿಸಲಾಗಿದೆ.

  ಘಟನೆಯ ಕುರಿತಂತೆ ಕದ್ರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.