ಡಬ್ಲ್ಯೂಡಬ್ಲ್ಯೂಇ ಟೂರ್ನಿ : ರಾಖಿ ಸಾವಂತ್ ಬೆನ್ನು ಮೂಳೆ ಮುರಿತ

•   Mon, Nov 12 2018 05:03:15 PM



• ಪಂಚಕುಲ,ನ 12 (MSP): ಗ್ರೇಟ್ ಖಲಿ ಅವರ ಡಬ್ಲ್ಯೂಡಬ್ಲ್ಯೂಇ ಟೂರ್ನಿಯಲ್ಲಿ ಭಾಗವಹಿಸಿದ್ದ ಬಾಲಿವುಡ್ ನಟಿ ರಾಖಿ ಸಾವಂತ್ ಅವರನ್ನು ಡಬ್ಲ್ಯೂಡಬ್ಲ್ಯೂಇ ಮಹಿಳಾ ಸ್ಪರ್ಧಿ ವೇದಿಕೆಯಲ್ಲೇ ಆಕೆಯನ್ನು ಎತ್ತಿ ಕುಕ್ಕಿದ ಪರಿಣಾಮ ಗಂಭೀರ ಗಾಯಗೊಂಡಿದ್ದಾರೆ.

  

  ಈ ಟೂರ್ನಿಯನ್ನು ಪಂಚಕುಲ ಆಯೋಜನೆ ಮಾಡಲಾಗಿತ್ತು. ಈ ಟೂರ್ನಿಯಲ್ಲಿ ಮಹಿಳಾ ಸ್ಪರ್ಧಿ ಜತೆ ರಾಖಿ ಸಾವಂತ್ ಕೂಡಾ ನೃತ್ಯ ಮಾಡಿದಂತೆ ಹೆಜ್ಜೆ ಹಾಕುತ್ತಿದ್ದರು. ಇದೇ ಸಂದರ್ಭ ಸ್ಪರ್ಧಿ ಆಕೆಯನ್ನು ಎತ್ತಿ ಕುಕ್ಕಿದ್ದಾರೆ.ಪರಿಣಾಮ ರಾಖಿ ಅವರ ಬೆನ್ನು ಮೂಳೆಗೆ ಏಟಾಗಿದ್ದು ಸರಿಯಾಗಿ ಎದ್ದು ನಿಲ್ಲಲ್ಲೂ ಸಾಧ್ಯವಾಗುತ್ತಿರಲಿಲ್ಲ. ತಕ್ಷಣ ಸಂಬಂಧಪಟ್ಟವರು ಹಾಗೂ ಪೊಲೀಸರು ಆಕೆ ಎದ್ದು ನಿಲ್ಲುವಂತೆ ಮಾಡಲು ಸಹಾಯಕ್ಕೆ ಧಾವಿಸಿದರೂ ಆಕೆ ಕುಸಿದು ಬಿದ್ದರು.

  ತಕ್ಷಣ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇದೀಗ ಮಹಿಳಾ ಸ್ಪರ್ಧಿ ವೇದಿಕೆಯಲ್ಲೇ ಆಕೆಯನ್ನು ಎತ್ತಿ ಕುಕ್ಕಿದ ದೃಶ್ಯಾವಳಿಗಳೂ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.