ಮಂಗಳೂರು: `ನವರಂಗಿ ಸೀರೆ-ಫೋಟೊ ಸ್ಪರ್ದೆ’ಗೆ ಭರ್ಜರಿ ರೆಸ್ಪಾನ್ಸ್-2 ದಿನಗಳಲ್ಲಿ ಸಾವಿರಕ್ಕೂ ಅಧಿಕ ಮಂದಿ ಭಾಗಿ

•   Fri, Oct 08 2021 09:51:35 PM



• ಮಂಗಳೂರು, ಅ. 08 (DaijiworldNews/SB): ದೈಜಿವರ್ಲ್ಡ್ ವಾಹಿನಿಯಲ್ಲಿ ನವರಾತ್ರಿ ಪ್ರಯುಕ್ತ ಪ್ರಸಾರವಾಗುವ ನೂತನ್ ಕ್ಲೋತ್ ಸೆಂಟರ್, ಮಡಂತ್ಯಾರು ಪ್ರಾಯೋಜಕತ್ವದ ’ನವರಂಗಿ ಸೀರೆ-ಫೋಟೊ ಸ್ಪರ್ದೆ’ ನೇರ ಪ್ರಸಾರ ಕಾರ್ಯಕ್ರಮಕ್ಕೆ ಅಭೂತಪೂರ್ವ ಪ್ರತಿಕ್ರಿಯೆ ಕಂಡುಬರುತ್ತಿದೆ.

  

  

  

  ಎರಡನೇ ದಿನದ ಸ್ಪರ್ದೆ ಅಂತ್ಯಗೊಂಡಾಗ ಸಾವಿರಕ್ಕಿಂತಲೂ ಹೆಚ್ಚಿನ ಚಿತ್ರಗಳು ವಾಹಿನಿಗೆ ತಲುಪಿವೆ. ಸ್ಪರ್ದೆಯ ಮೊದಲ ದಿನ ಬಂಗೇರ ಕುಟುಂಬ, ಮೂರ್ಜೆ, ಪುಂಜಾಲಕಟ್ಟೆ ಮೂರು ಸಾವಿರ ಮೊತ್ತದ ಬಹುಮಾನಕ್ಕೆ ಅರ್ಹರಾದರೆ ಎರಡನೆಯ ದಿನ ವಾಣಿ ಹಾಗೂ ಪಂಗಡ, ತೀರ್ಥಹಳ್ಳಿ ಬಹುಮಾನ ಗೆದ್ದುಕೊಂಡಿದೆ.

  
  ಸ್ಪರ್ದೆಗೆ ಮಹಿಳೆಯರು ಪ್ರತಿ ದಿನ ಫೋಟೋಗಳನ್ನು ಕಳುಹಿಸಬಹುದಾಗಿದ್ದು ಪ್ರತಿದಿನ ಆಯ್ದ ಒಂದು ಚಿತ್ರಕ್ಕೆ ನಗದು ಬಹುಮಾನ ಹಾಗೂ ಕೊನೆಯ ದಿನ ತಲಾ ಹದಿನೈದು ಹಾಗೂ ಹತ್ತು ಸಾವಿರ ರೂಪಾಯಿಗಳ ನಗದು ಬಂಪರ್ ಬಹುಮಾನ ದೊರೆಯಲಿದೆ. ಖ್ಯಾತ ಟಿವಿ ನಿರೂಪಕಿ ಪವಿತ್ರ ಪೂಜಾರಿ ಈ ಕಾರ್ಯಕ್ರಮವನ್ನು ನಡೆಸಿಕೊಡುತ್ತಿದ್ದಾರೆ. 

  ವಿನೂತನ ಸಂಗ್ರಹದೊಂದಿಗೆ ನೂತನ್:
  ನೂತನ್ ಕ್ಲೋತ್ ಸೆಂಟರ್, ಮಡಂತ್ಯಾರು ಪ್ರತಿ ವರ್ಷ ದೈಜಿವರ್ಲ್ಡ್ ವಾಹಿನಿಯೊಂದಿಗೆ ಸೇರಿಕೊಂಡು ಈ ಸ್ಪರ್ದೆಯನ್ನು ನಡೆಸುತ್ತಿದ್ದು ಈ ವರ್ಷ ಬಹುಮಾನಗಳ ಸಂಖ್ಯೆಯನ್ನು ದ್ವಿಗುಣಗೊಳಿಸಿದೆ. 1949ರಲ್ಲಿ ಮಡಂತ್ಯಾರಿನಲ್ಲಿ ಆರಂಭವಾದ ನೂತನ್ ಕ್ಲೋತ್ ಸೆಂಟರ್, ಮಕ್ಕಳ ಹಾಗೂ ಹಿರಿಯರ ಎಲ್ಲಾ ರೀತಿಯ ಬಟ್ಟೆಬರೆಗಳ ವಿಶಾಲ ಮಳಿಗೆಯನ್ನು ಹೊಂದಿದೆ. ಎಲ್ಲಾ ಧರ್ಮದ ಮದುವೆ ಹಾಗೂ ಶುಭಕಾರ್ಯಗಳಿಗೆ ಶ್ರೇಷ್ಟ ಗುಣಮಟ್ಟದ ಸೀರೆಗಳು ಹಾಗೂ ಇತರ ಬಟ್ಟೆಬರೆಗಳು ಇಲ್ಲಿ ಲಭ್ಯವಿವೆ.