ಬೆಳ್ತಂಗಡಿ: ಮುಖಕ್ಕೆ ಸೆಲ್ಲೋ ಟೇಪ್ ಸುತ್ತಿದ ಸ್ಥಿತಿಯಲ್ಲಿ ಯುವಕನ ಶವ ಪತ್ತೆ - ಕೊಲೆ ಶಂಕೆ

•   Sun, Nov 11 2018 11:46:32 AM



•  

  ಬೆಳ್ತಂಗಡಿ, ನ 11 (MSP): ತಾಲೂಕಿನ ಉಜಿರೆ ಗ್ರಾಮದ ಗುರಿಪಳ್ಳ ಕ್ರಾಸಿನ ಅಳಕೆ ರಸ್ತೆಯಲ್ಲಿ ಹತ್ಯೆಗೈದ ಸ್ಥಿತಿಯಲ್ಲಿ ಯುವಕನೋರ್ವನ ಶವ ನ.೧೦ ರ ಶನಿವಾರ ರಾತ್ರಿ ಪತ್ತೆಯಾಗಿದೆ. ಕೊಲೆಯಾದ ಯುವಕ ಗುರುತು ಪತ್ತೆಯಾಗಿಲ್ಲ. ೨೯ ವರ್ಷದ ಅಪರಿಚಿತ ಯುವಕನ ಮುಖಕ್ಕೆ ಸೆಲ್ಲೋ ಟೇಪ್ ಸುತ್ತಿ, ಕಾಲು ಕಟ್ಟಿದ ರೀತಿಯಲ್ಲಿ ಬರ್ಬರವಾಗಿ ಹತ್ಯೆಗೈದ ಸ್ಥಿತಿಯಲ್ಲಿ ಪತ್ತೆಯಾಗಿದೆ.

  

  ಯಾರೋ ದುಷ್ಕರ್ಮಿಗಳು ಈ ಯುವಕನನ್ನು ಕಾರಿನಲ್ಲಿಯೇ ಕೊಲೆ ಮಾಡಿ ಶವವನ್ನು ಈ ಪ್ರದೇಶದಲ್ಲಿ ಬಿಸಾಕಿ ಹೋಗಿರುವ ಶಂಕೆಯನ್ನು ಪೊಲೀಸರು ವ್ಯಕ್ತಪಡಿಸಿದ್ದಾರೆ. ಬೆಳ್ತಂಗಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಕೈಗೆತ್ತಿಕೊಂಡಿದ್ದಾರೆ.