ಕಾಪು: ಏಕಾಏಕಿ ಚಲಿಸಿದ ವಾಹನ, ಬಾಲಕಿ ದಾರುಣ ಸಾವು

•   Sat, Nov 10 2018 07:24:10 PM



• ಕಾಪು, ನ 10(SM): ಮೈದಾನದಲ್ಲಿ ಪಾರ್ಕ್ ಮಾಡಿದ್ದ ಸುಮೋ ವ್ಯಾನೊಂದು ಏಕಾಏಕಿ ಚಲಿಸಿದ ಪರಿಣಾಮ ವಾಹನದಡಿಗೆ ಬಿದ್ದು ಬಾಲಕಿಯೋರ್ವಳು ದಾರುಣವಾಗಿ ಮೃತಪಟ್ಟ ಘಟನೆ ಕಾಪು ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ. 5ರ ಹರೆಯದ ಆಫಿಯಾ ಬಾನು ಮೃತ ಬಾಲಕಿ.

  

  ಕಾಪು ಠಾಣಾ ವ್ಯಾಪ್ತಿಯ ಕಟಪಾಡಿಯ ಸರಕಾರಿ ಗುಡ್ಡೆಯಲ್ಲಿ ಸುಮೋ ವ್ಯಾನನ್ನು ಪಾರ್ಕ್ ಮಾಡಲಾಗಿತ್ತು. ಚಾಲಕ ಕೆಲಸದ ನಿಮಿತ್ತ ಹೊರಗಡೆ ತೆರಳಿದ್ದರು. ಆ ಸಂದರ್ಭ ಅಲ್ಲೇ ಆಟವಾಡುತ್ತಿದ್ದ 5 ವರ್ಷದ ಬಾಲಕಿ ಸುಮೋ ವಾಹನದ ಬಳಿ ತೆರಳಿದ್ದಳು. ಈ ಸಂದರ್ಭ ಏಕಾಏಕಿ ವಾಹನ ಚಲಿಸಿದೆ. ಈ ಸಂದರ್ಭ ಏನೂ ತಿಳಿಯದ ಬಾಲಕಿ ಸುಮೋದಡಿಗೆ ಸಿಲುಕಿ ದಾರುಣವಾಗಿ ಮೃತಪಟ್ಟಿದ್ದಾಳೆ.

  ಇನ್ನು ಸುಮೋ ಏಕಾಏಕಿ ಚಲಿಸಲು ಕಾರಣ ಏನೆಂದು ತಿಳಿದು ಬಂದಿಲ್ಲ.

  ಘಟನೆಯ ಕುರಿತಂತೆ ಕಾಪು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.