15 ವರ್ಷಕ್ಕಿಂತ ಕಿರಿಯ ರೋಹ್ಮನ್ ಶಾಲ್ ಜತೆ ಬಾಲಿವುಡ್ ನಟಿ ಸುಷ್ಮಿತಾ ಸೇನ್ ವಿವಾಹ ?

•   Fri, Nov 09 2018 09:45:15 AM



• ಮುಂಬೈ, ನ 09 (MSP): ಬಾಲಿವುಡ್ ನಟಿ ಸುಷ್ಮಿತಾ ಸೇನ್ ತನಗಿಂತ 15ವರ್ಷಕ್ಕಿಂತ ಕಿರಿಯ ವ್ಯಕ್ತಿಯೊಂದಿಗೆ ಮದುವೆ ಆಗುತ್ತಿದ್ದಾರೆ ಎನ್ನುವ ಸುದ್ದಿ ಇದೀಗ ಚರ್ಚೆಗೆ ಗ್ರಾಸವಾಗಿದೆ. ಇದಲ್ಲದೆ ಇತ್ತೀಚೆಗೆ ನಟಿ ತನ್ನ ಹೆಚ್ಚಿನ ಸಮಯವನ್ನು ತನ್ನ ಮಕ್ಕಳು ಹಾಗೂ ವಯಸ್ಸಿನಲ್ಲಿ ತನಗಿಂತ ಕಿರಿಯವನಾದ ಪ್ರಿಯಕರ ರೋಹ್ಮನ್ ಶಾಲ್ ಗೆ ಮೀಸಲಿಡುತ್ತಿದ್ದಾರೆ ಎನ್ನುವ ಗಾಸಿಪ್ ಹರಿದಾಡುತ್ತಿದೆ.

  

  

  ಹೀಗಾಗಿ ಸುಷ್ಮಿತಾ ಸೇನ್ ರೋಹ್ಮನ್ ಶಾಲ್ ರನ್ನು ವಿವಾಹವಾಗುತ್ತಾರೆ ಎನ್ನುವ ಗಾಳಿಸುದ್ದಿ ಹರಿದಾಡುತ್ತಿದೆ. ಇದಕ್ಕೆ ಪುಷ್ಟಿ ನೀಡುವಂತೆ ಸುಷ್ಮಿತಾ ಸೇನ್ ತನ್ನ ಮಕ್ಕಳಾದ ರೀನೇ ಹಾಗೂ ಅಲಿಶಾ ಹಾಗೂ ಗೆಳೆಯ ರೋಹ್ಮನ್ ಶಾಲ್ ಜತೆಯಾಗಿ ಇರುವ ಫೋಟೋವನ್ನು ದೀಪಾವಳಿ ಹಬ್ಬದಂದು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾರೆ. ರೋಹ್ಮನ್ ಶಾಲ್ ಅವರೇ ಸುಷ್ಮಿತಾ ಸೇನ್ ರನ್ನು ವರಿಸಲು ವಿವಾಹ ಪ್ರಸ್ತಾಪ ಮುಂದಿಟ್ಟಿದ್ದಾರೆ ಎನ್ನಲಾಗಿದೆ

  ಈ ಬೆಳವಣಿಗೆಗೆಳನ್ನು ಗಮನಿಸಿದ ಬಾಲಿವುಡ್ ಮಂದಿ ಇವರಿಬ್ಬರು ಮದುವೆ ಆಗೋದು ಖಚಿತವೆನ್ನುತ್ತಿದ್ದಾರೆ, ಅಲ್ಲದೆ ಈ ಜೋಡಿ ಮುಂದಿನ ವರ್ಷದ ಚಳಿಗಾಲದ ಸಮಯದಲ್ಲಿ ಮದುವೆಯಾಗಲು ಸಿದ್ಧತೆ ನಡೆಸಿದ್ದಾರೆ ಎಂದು ತಿಳಿದುಬಂದಿದೆ.