ಮಂಗಳೂರು, ಆ 28 (DaijiworldNews/PY): ಹೆಸರಾಂಕಿತ ಕನ್ನಡ ಕವಿ ಚೆನ್ನವೀರ ಕಣವಿಯವರ ಕವಿತೆಗಳ ಸಂಗ್ರಹ 'ಜೀವಧ್ವನಿ' ಈಗ ಕೊಂಕಣಿಯಲ್ಲಿ ಲಭ್ಯವಾಗಿದೆ. ಸಾಹಿತ್ಯ ಅಕಾಡೆಮಿ ಪುರಸ್ಕಾರ ಪಡೆದ ಕೊಂಕಣಿ ಕವಿ ಮೆಲ್ವಿನ್ ರೊಡ್ರಿಗಸ್ ಈ ಪುಸ್ತಕದ ಕೊಂಕಣಿ ಅನುವಾದ ಮಾಡಿದ್ದಾರೆ. ಸಾಹಿತ್ಯ ಅಕಾಡೆಮಿ ಪ್ರಕಟಿಸಿದ ಈ ಪುಸ್ತಕದ ಹೆಸರು 'ಜಿವಾತಾಳೊ'.
ಚೆನ್ನವೀರ ಕಣವಿಯವರಿಗೆ 1981 ಇಸವಿಯಲ್ಲಿ ಈ ಪುಸ್ತಕಕ್ಕೆ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ದೊರಕಿತ್ತು. ಕಣವಿಯವರು 'ಸೌಜನ್ಯದ ಕವಿ' ಹಾಗೂ 'ಸಮನ್ವಯದ ಕವಿ' ಎಂದೇ ಪ್ರಸಿದ್ಧರು. ಅವರಿಂದ ಈವರೆಗೆ 20 ಕವನ ಸಂಕಲನಗಳು ಪ್ರಕಟಗೊಂಡಿವೆ. ಅವರ ಗದ್ಯ ಸಾಹಿತ್ಯವೂ ಲಭ್ಯವಿದೆ.
ಮೆಲ್ವಿನ್ ರೊಡ್ರಿಗಸ್ ಅವರಿಗೆ ಅವರ 'ಪ್ರಕೃತಿಚೊ ಪಾಸ್' ಕವನ ಸಂಕಲನಕ್ಕೆ 2011 ಇಸವಿಯ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ದೊರಕಿತ್ತು. ಈವರೆಗೆ ಅವರ 17 ಪುಸ್ತಕಗಳು ಪ್ರಕಾಶಿತಗೊಂಡಿವೆ.
ಇದರಲ್ಲಿ ಹೆಚ್ಚಿನ ಪಾಲು ಕವನ ಸಂಗ್ರಹಗಳಿವೆ. ಇದರ ಮೊದಲು ಅವರಿಂದ ಯಶವಂತ ಚಿತ್ತಾಲರ 'ಕಥೆಯಾದಳು ಹುಡುಗಿ' ಸಣ್ಣಕಥೆಗಳ ಸಂಗ್ರಹ ಹಾಗೂ ಕೆ. ಎಸ್. ಕೆ. ಎಸ್. ನರಸಿಂಹಸ್ವಾಮಿಯವರ 'ತೆರೆದ ಬಾಗಿಲು' ಕವನ ಸಂಗ್ರಹ ಕೊಂಕಣಿಗೆ ಅನುವಾದಗೊಂಡಿವೆ. ಈ ಎರಡೂ ಪುಸ್ತಕಗಳನ್ನು ಸಾಹಿತ್ಯ ಆಕಾಡೆಮಿ ಪ್ರಕಾಶನದಿಂದ ಹೊರಬಂದಿವೆ. ಇದಲ್ಲದೆ ಆರುಂಧತಿ ರೊಯ್ ಅವರ ಅನೇಕ ಪ್ರಬಂಧಗಳನ್ನು ಅವರು ಕೊಂಕಣಿಗೆ ಅನುವಾದಿಸಿದ್ದಾರೆ.
ಮೆಲ್ವಿನ್ ಅವರು ಕೊಂಕಣಿ ಕವಿತೆಯ ಸಮಗ್ರ ಏಳಿಗೆಗೆ ದುಡಿಯುವ 'ಕವಿತಾ ಟ್ರಸ್ಟ್' ಸಂಸ್ಥೆಯ ಸ್ಥಾಪಕರು.