827 ಅಶ್ಲೀಲ​ ವೆಬ್​ಸೈಟ್ ಗಳನ್ನು ನಿಷೇಧಿಸಿ - ಕೇಂದ್ರದಿಂದ ಇಂಟರ್​ನೆಟ್​ ಸೇವೆ ಸಂಸ್ಥೆಗಳಿಗೆ ಸೂಚನೆ

•   Thu, Oct 25 2018 12:31:17 PM



• ನವದೆಹಲಿ, ಅ 25 (MSP): ಅಂತರ್ಜಾಲದಲ್ಲಿ ಕಂಡು ಬರುವ ಅಶ್ಲೀಲ ವೆಬ್ ತಾಣಗಳನ್ನು ಮುಚ್ಚಲು ಕೇಂದ್ರ ಸರ್ಕಾರ ನಿಲುವು ತಳೆದಿದ್ದು, ಈ ಹಿನ್ನಲೆಯಲ್ಲಿ ದೇಶಾದ್ಯಂತ ಇಂಟರ್​ನೆಟ್​ ಸೇವೆ ನೀಡುವ ಸಂಸ್ಥೆಗಳಿಗೆ 827 ಅಶ್ಲೀಲ ದೃಶ್ಯ, ಸಾಹಿತ್ಯ ಪ್ರಕಟಿಸುವ ನೀಲಿಚಿತ್ರಗಳ​ ವೆಬ್​ಸೈಟ್​ ಬಂದ್​ ಮಾಡುವಂತೆ ಕೇಂದ್ರ ಸರ್ಕಾರ ಸೂಚನೆ ನೀಡಿರುವುದಾಗಿ ತಿಳಿದು ಬಂದಿದೆ.

  

  
  ಅಂತರ್ಜಾಲ ಸೇವೆ ಒದಗಿಸುವ ಎಲ್ಲಾ ಸಂಸ್ಥೆಗಳಿಗೂ ತತ್ ಕ್ಷಣದಿಂದ ಜಾರಿಗೊಳಿಸುವಂತೆ ಸೂಚನೆ ನೀಡಲಾಗಿದ್ದು, ಕೇಂದ್ರವೂ ಉತ್ತರಾಖಂಡ್​ ಹೈಕೋರ್ಟ್​ ನೀಡಿರುವ ಆದೇಶದ ಅನ್ವಯ ಈ ಕ್ರಮವನ್ನು ಕೈಗೊಂಡಿದ್ದು, ಅಶ್ಲೀಲ 827 ವೆಬ್ ತಾಣಗಳನ್ನು ನಿಷೇಧಕ್ಕಾಗಿ ಸೂಚನೆ ನೀಡಿದೆ.

  ಉತ್ತರಾಖಂಡ್​ ಹೈಕೋರ್ಟ್​ ಇದಕ್ಕೆ ಸಂಬಂಧಿಸಿದ ಆದೇಶವನ್ನು ಸೆಪ್ಟೆಂಬರ್​ 27ರಂದು ಜಾರಿಗೊಳಿಸಿದ್ದು, ಆದರೆ ಈ ಆದೇಶದ ಪ್ರತಿಯೂ ಎಲೆಕ್ಟ್ರಾನಿಕ್ಸ್ ಮತ್ತು ಐಟಿ ಸಚಿವಾಲಯಕ್ಕೆ ಅಕ್ಟೋಬರ್​ 8ರಂದು ದೊರಕಿತ್ತು.

  ಈ ಹಿಂದೆಯೇ ಉತ್ತರಾಖಂಡ್​​ ಹೈಕೋರ್ಟ್​ ಜುಲೈ 31, 2015ರಂದು 857 ಪೋರ್ನ್​ ವೆಬ್​ಸೈಟ್ ನಿಷೇಧಿಸಲು ನೊಟೀಸ್​ ಜಾರಿ ಮಾಡಿತ್ತು. ಈ ಕುರಿತಾಗಿ ಎಲೆಕ್ಟ್ರಾನಿಕ್ಸ್ ಮತ್ತು ಐಟಿ ಸಚಿವಾಲಯವು ಟೆಲಿಕಾಂ ಇಲಾಖೆಗೆ ಮಾಹಿತಿ ನೀಡಿತ್ತು.