ಕಣ್ಣೂರು ಏರ್​ಪೋರ್ಟ್ ಶೀಘ್ರ ಕಾರ್ಯಾರಂಭ - ನೂತನ ವೇಳಾಪಟ್ಟಿ ಬಿಡುಗಡೆ

•   Thu, Oct 18 2018 02:48:03 PM



• ಕಾಸರಗೋಡು, ಅ(SS): ಕಣ್ಣೂರು ನೂತನ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಏರ್‌ ಇಂಡಿಯಾ ಎಕ್ಸ್‌ಪ್ರೆಸ್‌ ಸಂಸ್ಥೆಯು  ತನ್ನ ವಾಯುಸೇವೆಯನ್ನು ಆರಂಭಿಸಲು ನೂತನ ವೇಳಾಪಟ್ಟಿಯನ್ನು ಪ್ರಕಟಿಸಿದೆ.  ಡೈರಕ್ಟರೇಟ್‌ ಜನರಲ್‌ ಆಫ್‌ ಸಿವಿಲ್‌ ಏವಿಯೇಶನ್‌ ಅನುಮತಿಯೊಂದಿಗೆ ನೂತನ ವೇಳಾಪಟ್ಟಿಯನ್ನು ಬಿಡುಗಡೆಗೊಳಿಸಿದೆ.

  

  ಏರ್‌ ಇಂಡಿಯಾ ಎಕ್ಸ್‌ಪ್ರೆಸ್‌ ಕಣ್ಣೂರಿನಿಂದ ಪ್ರತಿದಿನ ನಾಲ್ಕು ಸರ್ವೀಸ್‌ಗಳನ್ನು ನಡೆಸಲಿದೆ. ಆದರೆ ಕಣ್ಣೂರಿನಿಂದ ಸರ್ವಿಸ್‌ ನಡೆಸುವ ಖಾಸಗಿ ವಿಮಾನ ಕಂಪನಿಗಳಾದ ಇಂಡಿಗೋ ಏರ್‌, ಜೆಟ್‌ ಏರ್‌ವೇಸ್‌, ಸ್ಪೈಸ್‌ ಜೆಟ್‌ಗಳು ತಮ್ಮ ವೇಳಾಪಟ್ಟಿಯನ್ನು ಪ್ರಕಟಿಸಿಲ್ಲ. ಕಣ್ಣೂರಿನಿಂದ ಅಬುಧಾಬಿ, ಮಸ್ಕತ್‌, ರಿಯಾದ್‌, ದೋಹಾ, ಶಾರ್ಜಾ, ದುಬೈಗಳಿಗೆ ಏರ್‌ ಇಂಡಿಯಾ ಎಕ್ಸ್‌ಪ್ರೆಸ್‌ ಅಂತಾರಾಷ್ಟ್ರೀಯ ಸರ್ವಿಸ್‌ ನಡೆಸಲಿದೆ. 
  
  ಏರ್‌ ಇಂಡಿಯಾ ಎಕ್ಸ್‌ಪ್ರೆಸ್‌ ವಿಮಾನವು ಭಾನುವಾರದಂದು ಬೆಳಗ್ಗೆ 11 ಗಂಟೆಗೆ ಅಬುಧಾಬಿಗೆ ಹೊರಡುವ ವಿಮಾನ ಮಧ್ಯಾಹ್ನ 1.30ಕ್ಕೆ ಯುಎಇಗೆ ತಲುಪಲಿದೆ. ಅಬುಧಾಬಿಯಿಂದ ಮಧ್ಯಾಹ್ನ 2.30ಕ್ಕೆ ಹೊರಟು ರಾತ್ರಿ 8 ಗಂಟೆಗೆ ಕಣ್ಣೂರಿಗೆ ತಲುಪಲಿದೆ. ರಾತ್ರಿ 9.05ಕ್ಕೆ ಹೊರಟು ರಾತ್ರಿ 11.30ಕ್ಕೆ ರಿಯಾದ್‌ಗೆ ತಲುಪಲಿದೆ. ರಿಯಾದ್‌ನ ಸಮಯ ಮಧ್ಯರಾತ್ರಿ 12.30ಕ್ಕೆ ಹೊರಟು ಬೆಳಗ್ಗೆ 8 ಗಂಟೆಗೆ ಕಣ್ಣೂರಿಗೆ ತಲುಪಲಿದೆ.