ಮೂಡುಬಿದಿರೆ: ಕಾರು ಡಿಕ್ಕಿ-ರಸ್ತೆ ದಾಟುತ್ತಿದ್ದ ಮಗು ಸಾವು

•   Mon, Jul 12 2021 08:29:53 PM



• ಮೂಡುಬಿದಿರೆ, ಜು. 12 (DaijiworldNews/SM): ರಸ್ತೆ ದಾಟುತ್ತಿದ್ದ ಮಗುವಿಗೆ ಕಾರು ಡಿಕ್ಕಿ ಹೊಡೆದ ಪರಿಣಾಮ ಐದು ವರ್ಷದ ಮಗು ಮೃತಪಟ್ಟಿರುವ ದಾರುಣ ಘಟನೆ ಮೂಡುಬಿದಿರೆ ತೋಡಾರು ಸಮೀಪ ಜುಲೈ ೧೨ರ ಸೋಮವಾರ ನಡೆದಿದೆ.

  

  ಹಂಡೇಲಿನ ಅಬುಸ್ವಾಲಿಹ್ ಅವರ ಪುತ್ರಿ ಆಜ್ಮಾ ಫಾತಿಮಾ(5) ಮೃತ ಬಾಲಕಿ. ಅಜ್ಜನ ಜೊತೆಗೆ ಇಬ್ಬರು ಮಕ್ಕಳು ಅಂಗಡಿಗೆ ತೆರಳಿದ್ದರು. ಇಬ್ಬರನ್ನು ಕೈಯಲ್ಲಿ ಹಿಡಿಕೊಂಡು ಮರಳುತ್ತಿದ್ದ ಸಂದರ್ಭದಲ್ಲಿ ಬಾಲಕಿ ಆಜ್ಮಾ ಅಜ್ಜನ ಕೈಯಿಂಡ ತಪ್ಪಿಸಿಕೊಂಡು ಓಡಿ ಹೋಗಿದ್ದು ರಸ್ತೆ ದಾಟಲೆತ್ನಿಸಿದ್ದಾಳೆ. ಆ ಸಂದರ್ಭದಲ್ಲಿ ಮಂಗಳೂರು ಕಡೆಯಿಂದ ಬಂದ ಕಾರು ಮಗುವಿಗೆ ಡಿಕ್ಕಿ ಹೊಡೆದಿದ್ದು, ಮಗುವಿಗೆ ಗಂಭೀರ ಸ್ವರೂಪದ ಗಾಯಗಳಾಗಿತ್ತು. ತಕ್ಷಣ ಬಾಲಕಿಯನ್ನು ಆಸ್ಪತ್ರೆಗೆ ರವಾನಿಸಲಾಯಿತಾದರೂ, ರಸ್ತೆ ಮಧ್ಯೆ ಈಕೆ ಮೃತಪಟ್ಟಿರುವ ಬಗ್ಗೆ ಮಾಹಿತಿ ಸಿಕ್ಕಿದೆ.

  ಕಾರು ಚಾಲಕನ ವಿರುದ್ಧ ಮೂಡುಬಿದಿರೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸಿದ್ದಾರೆ.