ಭಾರತದ ಪವಿತ್ರ ನದಿ ಗಂಗೆಯನ್ನು ರಕ್ಷಿಸುವುದೆಂದರೆ, ದೇಶವನ್ನು ರಕ್ಷಿಸಿದಂತೆ – ರಾಹುಲ್ ಗಾಂಧಿ

•   Sat, Oct 13 2018 11:44:25 AM



• ಹೊಸದಿಲ್ಲಿ, ಆ13(SS): ಸಾಮಾಜಿಕ ಕಾರ್ಯಕರ್ತ ಜಿ.ಡಿ. ಅಗರ್ವಾಲ್‌ ಅವರು ಗಂಗೆಯ ಶುದ್ಧೀಕರಣಕ್ಕೆ ಸಂಬಂಧಿಸಿದಂತೆ ವಿವಿಧ ಬೇಡಿಕೆಗಳ ಈಡೇರಿಕೆಗಾಗಿ ಆಮರಣಾಂತ ಉಪವಾಸ ಸತ್ಯಾಗ್ರಹ ನಡೆಸಿ ಪ್ರಾಣಾರ್ಪಣೆ ಮಾಡಿದ್ದು(87), ಇದೀಗ ಅವರ ಪರಿಸರ ಪ್ರೇಮವನ್ನು ಕೊಂಡಾಡಿರುವ ಕಾಂಗ್ರೆಸ್‌ ಅಧ್ಯಕ್ಷ ರಾಹುಲ್‌ ಗಾಂಧಿ, ಹೋರಾಟವನ್ನು ಮುಂದುವರಿಸುವುದಾಗಿ ತಿಳಿದ್ದಾರೆ. 

  

  
  ಪವಿತ್ರ ನದಿ ಗಂಗೆಯ ಕುರಿತು ಟ್ವೀಟ್‌ ಮಾಡಿರುವ ರಾಹುಲ್‌, ಗಂಗೆಯನ್ನು ರಕ್ಷಿಸುವುದೆಂದರೆ, ದೇಶವನ್ನು ರಕ್ಷಿಸಿದಂತೆ. ಅಗರ್ವಾಲ್‌ ಅವರು ಗಂಗೆಯ ನಿಜವಾದ ಪುತ್ರ. ತಾಯಿ ಗಂಗೆಗಾಗಿ ಅವರು ಪ್ರಾಣವನ್ನೇ ಅರ್ಪಿಸಿದ್ದಾರೆ. ಅವರ ಹೋರಾಟವನ್ನು ನಾನು ಮುಂದುವರಿಸುತ್ತೇನೆ ಎಂದು ಹೇಳಿದ್ದಾರೆ. 
  
  ಜೂ.22ರಿಂದ ಉಪವಾಸ ಸತ್ಯಾಗ್ರಹ ಕೈಗೊಂಡಿದ್ದ ಅಗರ್ವಾಲ್‌ ಅವರು, ಗುರುವಾರ ಉತ್ತರಾಖಂಡ್‌ನ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದರು. ಸ್ವಾಮಿ ಜ್ಞಾನ ಸ್ವರೂಪ ಸಾನಂದ್‌ ಎಂದು ಖ್ಯಾತರಾಗಿದ್ದ ಪರಿಸರವಾದಿ ಅಗರ್ವಾಲ್‌ ಗಂಗಾನದಿ ಉಳಿಸುವ ಸಲುವಾಗಿ ಕಳೆದ 111 ದಿನಗಳ ಉಪವಾಸ ನಡೆಸಿದ್ದರು. ಈ ಹೋರಾಟವನ್ನು ನಾನು ಮುಂದುವರೆಸುತ್ತೇನೆ ಎಂದು ಕಾಂಗ್ರೆಸ್‌ ಅಧ್ಯಕ್ಷ ರಾಹುಲ್‌ ಗಾಂಧಿ ಭರವಸೆ ನೀಡಿದ್ದಾರೆ.