ಮಂಗಳೂರು: ಪಂಪ್‌ವೆಲ್ ಫ್ಲೈಓವರ್‌ ಈಗ ನಳಿನ್‌ ಸೀಸನಲ್ ಲೇಕ್ - ಗೂಗಲ್ ಮ್ಯಾಪ್‌ನಲ್ಲಿ ಹೆಸರು ಬದಲಿಸಿ ಟ್ರೋಲ್

•   Mon, Jul 05 2021 12:27:10 PM



• ಮಂಗಳೂರು, ಜು.05 (DaijiworldNews/HR): ನಗರದ ನಕ್ಷೆಗಳಲ್ಲಿ ಪಂಪ್‌ವೆಲ್ ಫ್ಲೈಓವರ್ ಹೆಸರನ್ನು ಮಾರ್ಪಡಿಸಿ ಸಾಮಾಜಿಕ ಮಾಧ್ಯಮದಲ್ಲಿ ಸಂಸದ ನಳಿನ್ ಕುಮಾರ್ ಕಟೀಲ್ ಅವರನ್ನು ನೆಟ್ಟಿಗರು ಟ್ರೋಲ್ ಮಾಡಿದ್ದಾರೆ.

  

  ಪಂಪ್‌ವೆಲ್‌ನಲ್ಲಿರುವ ಮಹಾವೀರ ವೃತ್ತವನ್ನು ಪಂಪ್‌ವೆಲ್ ವೃತ್ತ ಎಂಬ ಹೆಸರಿನೊಂದಿಗೆ ವ್ಯಾಪಕವಾಗಿ ಕರೆಯಲಾಗುತ್ತದೆ. ಗೂಗಲ್ ನಕ್ಷೆಗಳಲ್ಲಿ ಈ ಸ್ಥಳವನ್ನು ಇಂಗ್ಲಿಷ್‌ನಲ್ಲಿ ಪಂಪ್‌ವೆಲ್ ಸರ್ಕಲ್ ಎಂದು ಹೆಸರಿಸಲಾಗಿದ್ದು, ಕನ್ನಡದಲ್ಲಿ ಮಹಾವೀರ ಸರ್ಕಲ್ ಎಂದು ತೋರಿಸಲಾಗಿದೆ. ಇದನ್ನು ಗಮನಿಸಿದ ಟ್ರೋಲ್ ಗುಂಪುಗಳು ಫ್ಲೈಓವರ್ ಹೆಸರನ್ನು 'ಪಂಪ್‌ವಾಲ್ - ದಿ ಗ್ರೇಟ್ ವಾಲ್ ಆಫ್ ಪಂಪ್‌ವೆಲ್' ಎಂದು ಬದಲಾಯಿಸಿ ಬಳಿಕ ಈ ಚಿತ್ರವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಅಪ್‌ಲೋಡ್ ಮಾಡಿದ್ದಾರೆ.

  ಈ ಫ್ಲೈ ಓವರ್‌ನ ಪಕ್ಕದಲ್ಲಿರುವ ಸೇವಾ ರಸ್ತೆಯನ್ನು 'ನಳಿನ್ ಕುಮಾರ್ ಕಟೀಲ್ ಸೀಸನಲ್ ಲೇಕ್ ' ಎಂದು ಹೆಸರಿಸಿದ್ದಾರೆ.

  ಇತ್ತೀಚೆಗೆ ಸುರಿದ ಧಾರಾಕಾರ ಮಳೆಯಿಂದಾಗಿ, ಇಲ್ಲಿನ ಸೇವಾ ರಸ್ತೆ ಮುಳುಗಿ ಆ ಪ್ರದೇಶವು ಕೊಳದಂತೆ ಕಾಣುತ್ತಿತ್ತು. ಆ ಸಮಯದಲ್ಲಿ ಸಂಸದರು ಅಲ್ಲಿ ನಿಂತು ನೀರಿನಲ್ಲಿ ಮುಳುಗಿರುವುದನ್ನು ಚಿತ್ರಿಸುವ ವೀಡಿಯೊವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡು ವೈರಲ್ ಮಾಡಿದ್ದರು ಎನ್ನಲಾಗಿದೆ.