ಮಂಗಳೂರು, ಜು 01 (DaijiworldNews/PY): ನಗರದ ಕಂಕನಾಡಿಯಲ್ಲಿರುವ ಕ್ಲೌಡ್ ಶಿಶಾ ಕೆಫೆ ಮೇಲೆ ಮಂಗಳೂರು ಪೊಲೀಸರು ಜೂನ್ 30ರ ಬುಧವಾರ ದಾಳಿ ನಡೆಸಿದ್ದು, ಈ ವೇಳೆ ಕೆಫೆ ಮ್ಯಾನೇಜರ್ ಹಾಗೂ ಓರ್ವ ಸಿಬ್ಬಂದಿಯನ್ನು ಬಂಧಿಸಿದ್ದಾರೆ.
ದಾಳಿಯ ಸಂದರ್ಭ, 17 ಮಂದಿ ಹುಕ್ಕಾ ಸೇವಿಸುತ್ತಿರುವುದು ಕಂಡುಬಂದಿದ್ದು, ಈ ವೇಳೆ ಡ್ರಗ್ ಮಿಶ್ರಣ ಮಾಡಿ ಸೇವಿಸಲಾಗಿದೆಯೇ ಎಂಬ ಬಗ್ಗೆಯೂ ತನಿಖೆ ಕೈಗೊಳ್ಳಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ.
ಮಧ್ಯಾಹ್ನ 2 ಗಂಟೆಯ ಬಳಿಕ ಕೆಫೆ ತೆರೆದಿಟ್ಟ ಕಾರಣ ಸಾಂಕ್ರಾಮಿಕ ಕಾಯ್ದೆಯಡಿ ಮಾಲೀಕರ ವಿರುದ್ದ ಪ್ರಕರಣ ದಾಖಲಾಗಿದೆ.