ಮಂಗಳೂರು: ಮತ್ತೆ ಅಂತರಾಷ್ಟ್ರೀಯ ಪ್ರಯಾಣ ದುಸ್ಥರ-ಹಲವು ಮಂದಿಗೆ ಸಂಕಷ್ಟ

•   Wed, Jun 30 2021 08:39:00 PM



• ಮಂಗಳೂರು, ಜೂ. 30(DaijiworldNews/SM): ಭಾರತೀಯ ವಾಯುಯಾನ ನಿಯಂತ್ರಕ, ಡೈರೆಕ್ಟರೇಟ್ ಜನರಲ್ ಆಫ್ ಸಿವಿಲ್ ಏವಿಯೇಷನ್ ​​(ಡಿಜಿಸಿಎ) ನಿಗದಿತ ಅಂತಾರಾಷ್ಟ್ರೀಯ ವಿಮಾನಗಳ ನಿಷೇಧವನ್ನು ಜುಲೈ 31 ರವರೆಗೆ ವಿಸ್ತರಿಸಿದೆ.

  

  "26-06-2020ರ ಸುತ್ತೋಲೆಯ ಭಾಗಶಃ ಮಾರ್ಪಾಡು ಮಾಡಲಾಗಿದ್ದು, ಪ್ರಾಧಿಕಾರವು 2021ರ ಜುಲೈ 31ರ ತನಕ ಮತ್ತೆ ನಿರ್ಬಂಧ ಮುಂದುವರೆಸಿದೆ. ಕೊರೋನಾ ಸಾಂಕ್ರಾಮಿಕ ರೋಗದ ಮಧ್ಯೆ ನಿಗದಿತ ಅಂತರಾಷ್ಟ್ರೀಯ ಪ್ರಯಾಣಿಕರ ವಿಮಾನಗಳ ಅಮಾನತು ಕೊನೆಯದಾಗಿ ಜೂನ್ 30ರವರೆಗೆ ವಿಸ್ತರಿಸಲಾಗಿತ್ತು. ಇದೀಗ ಮತ್ತೆ ನಿಷೇಧ ಮುಂದುವರೆಸಲಾಗಿದೆ. ಡಿಜಿಸಿಎ, ಮಾರ್ಚ್ 2020ರಿಂದ ಅಂತರರಾಷ್ಟ್ರೀಯ ವಿಮಾನಗಳ ನಿಷೇಧವನ್ನು ಹಲವು ಬಾರಿ ವಿಸ್ತರಿಸಿದೆ.

  ಈ ನಡುವೆ ಡಿಜಿಸಿಎ ಅನುಮೋದಿಸಿದ ಅಂತರರಾಷ್ಟ್ರೀಯ ಆಲ್-ಕಾರ್ಗೋ ಆಪರೇಷನ್ ಫ್ಲೈಟ್‌ಗಳಿಗೆ ಈ ನಿರ್ಬಂಧವು ಅನ್ವಯಿಸುವುದಿಲ್ಲ. ದೇಶದಲ್ಲಿ ದೇಶೀಯ ಪ್ರಯಾಣಿಕರ ವಿಮಾನ ಸೇವೆಗಳು ಪುನರಾರಂಭಗೊಂಡಿದ್ದರೂ, ಅಂತರರಾಷ್ಟ್ರೀಯ ವಿಮಾನಯಾನಗಳು ಈಗಲೂ ಸ್ಥಗಿತಗೊಂಡಿವೆ.