ಮಂಗಳೂರು: ದಶಕ ಕಳೆದರೂ ಬಯಲಾಗದ ತಾಯಿ ಮಗಳ ಕೊಲೆ ರಹಸ್ಯ

•   Mon, Jun 28 2021 09:08:08 PM



• ಮಂಗಳೂರು, ಜೂ. 28 (DaijiworldNews/SM): ಇಲ್ಲಿನ ಪಂಜಿಮೊಗರಿನ ತಾಯಿ ಮಗಳ ಬರ್ಬರ ಹತ್ಯೆ ಪ್ರಕರಣಕ್ಕೆ ದಶಕ ಪೂರ್ಣಗೊಂಡಿದೆ. ಆದರೆ, ಹತ್ತು ವರ್ಷಗಳು ಕಳೆದರೂ, ಕೊಲೆ ಕೃತ್ಯದ ಆರೋಪಿಗಳನ್ನು ಪತ್ತೆ ಹಚ್ಚಲು ಸಾಧ್ಯವಾಗಿಲ್ಲ.

  

  

  

  

  

  

  

  2011ರ ಜೂನ್ 28ರಂದು ಪಂಜಿಮೊಗರು ನಿವಸಿ ಹಮೀದ್ ಅವರ ಪತ್ನಿ ರಜಿಯಾ(35) ಹಾಗೂ ಪುತ್ರಿ ಫಾತಿಮಾ ಜುವಾ(8) ಎಂಬವರನ್ನು ಬರ್ಬರವಾಗಿ ಹತ್ಯೆ ಮಾಡಲಾಗಿತ್ತು. ಪ್ರಕರಣಾವನ್ನು ಪೊಲೀಸ್ ಇಲಾಖೆ ತನಿಖೆಗೆ ಕೈಗೊಂಡಿತ್ತು. ಬಳಿಕ ಪ್ರಕರಣವನ್ನು ಸಿಐಡಿ ತನಿಖೆಗೆ ಒಳಪಡಿಸಲಾಗಿದೆ. ಆದರೆ, ಇದುವರೆಗೂ ಆರೋಪಿಗಳ ಸುಳಿವು ಪತ್ತೆಯಾಗಿಲ್ಲ.

  ರಜಿಯಾ ಪತಿ ಹಮೀದ್ ಕೂಳೂರಿನಲ್ಲಿ ಗುಜುರಿ ವ್ಯಾಪಾರ ನಡೆಸುತ್ತಿದ್ದಾರೆ. ಮಧ್ಯಾಹ್ನ 12.15ರಿಂದ 12.30ರ ಸುಮಾರಿಗೆ ನಡೆದಿರುವ ಕೊಲೆ ನಡೆದಿರಬಹುದೆಂಬ ಶಂಕೆ ವ್ಯಕ್ತವಾಗಿದೆ. ಪರಿಚಿತರಿಂದಲೇ ಕೊಲೆ ನಡೆದಿರುವ ಶಂಕೆಯನ್ನು ಹಮೀದ್ ವ್ಯಕ್ತಪಡಿಸಿದ್ದಾರೆ. ಆದರೆ, ಇಲ್ಲಿಯ ತನಕ ಆರೋಪಿಗಳನ್ನು ಪತ್ತೆ ಹಚ್ಚಲು ಸಾಧ್ಯವಾಗಿಲ್ಲ ಎಂದು ಹಮೀದ್ ಆರೋಪಿಸಿದ್ದಾರೆ.