ಮಂಗಳೂರು: ಬೆಕ್ಕಿನ ಮರಿಗಳನ್ನು ಫ್ಲ್ಯಾಟ್‌ನಿಂದ ಕೆಳಕ್ಕೆಸೆದು ಅಮಾನವೀಯವಾಗಿ ವರ್ತಿಸಿದ ಮಹಿಳೆ

•   Mon, Jun 21 2021 12:13:21 PM



• ಮಂಗಳೂರು, ಜೂ 21 (DaijiworldNews/MS): ನಗರದ ಅತ್ತಾವರದಲ್ಲಿರುವ ಅಪಾರ್ಟ್‌ಮೆಂಟ್ ಕಟ್ಟಡದ ಮಹಡಿಯಿಂದ ಅಗ ತಾನೆ ಜನಿಸಿದ ಐದು ಬೆಕ್ಕಿನ ಮರಿಗಳನ್ನು ಕೆಳಕ್ಕೆ ಎಸೆದು ತಾಯಿ ಬೆಕ್ಕನ್ನು ಹೊರಗಟ್ಟಿದ ಅಮಾನವೀಯ ಘಟನೆ ನಡೆದಿದೆ.

    

  ಒಂದೆಡೆ ಸುರಿಯುತ್ತಿರುವ ಭಾರಿ ಮಳೆಗೆ, ಮನೆಯಿಂದ ಹೊರಗಟ್ಟಿದ ಮಹಿಳೆಯ ಕೃತ್ಯದಿಂದ ತಾಯಿ ಬೆಕ್ಕಿನ ಸಮೇತ ಮರಿಗಳು ತೀವ್ರವಾಗಿ ನರಳಾಡಿದೆ.

  ಶಕ್ತಿನಗರದ ಅನಿಮಲ್ ಕೇರ್ ಟ್ರಸ್ಟ್ ಸದಸ್ಯರು ತಾಯಿ ಬೆಕ್ಕು ಹಾಗೂ ಮರಿಗಳನ್ನು ರಕ್ಷಿಸಿ ಅವರಿಗೆ ಆಶ್ರಯ ನೀಡಿದ್ದಾರೆ. ಮಹಿಳೆಯ ಕ್ರೂರತೆಯನ್ನು ಹಲವು ಮಂದಿ ಕಣ್ಣಾರೆ ಕಂಡಿದ್ದು, ಪಾಂಡೇಶ್ವರ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದ್ದಾರೆ.

  ತಪ್ಪಿತಸ್ಥ ಮಹಿಳೆಯ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕೆಂದು ಸ್ಥಳೀಯರು ಒತ್ತಾಯಿಸಿದ್ದಾರೆ.