ಮಂಗಳೂರು, ಜೂ. 18 (DaijiworldNews/HR): ಕಳೆದ ಐದು ತಿಂಗಳಲ್ಲಿ ಜಿಲ್ಲೆಯಲ್ಲಿ 209 ಡ್ರಗ್ಸ್ ಪ್ರಕರಣ ಪತ್ತೆಯಾಗಿದ್ದು, ಒಟ್ಟು 288 ಮಂದಿಯನ್ನು ಪೊಲೀಸರು ಬಂಧಿಸಿದ್ದಾರೆ.
ಸಾಂಧರ್ಭಿಕ ಚಿತ್ರ
ಲಾಕ್ಡೌನ್ನಲ್ಲಿ ಕೂಡ ಅತ್ಯಂತ ಅಪಾಯಕಾರಿಯಾದ ಸಿಂಥೆಟಿಕ್ ಡ್ರಗ್ಸ್ಗಳು ಪುರೈಕೆಯಾಗುತ್ತಿದ್ದು, ಕಾಲೇಜುಗಳಿಗೆ ರಜೆ ಇದ್ದು ವಿದ್ಯಾರ್ಥಿಗಳ ಓಡಾಟ ಕಡಿಮೆಯಾಗಿದ್ದರೂ, ಪಾರ್ಟಿ ಇಲ್ಲದಿದ್ದರೂ ಡ್ರಗ್ಸ್ ಚಟುವಟಿಕೆಗಳು ನಡೆಯುತ್ತ ಇದೆ ಎಂದು ವರದಿಯಾಗಿದೆ.
ಇನ್ನು ಕೆಲವು ದಿನಗಳಲ್ಲಿ ಲಕ್ಷಾಂತರ ಮೌಲ್ಯದ ಎಲ್ಎಸ್ಡಿ, ಎಂಡಿಎಂಎ ಡ್ರಗ್ಸ್ಗಳು ವ್ಯಸನಿಗಳ ಕೈ ಸೇರುವುದನ್ನು ನಗರ ಪೊಲೀಸರು ತಡೆದಿದ್ದಾರೆ.
ಮೇ.26 ರಂದು ಉಳ್ಳಾಲ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ 200 ಕೆ.ಜಿ ತೂಕದ ಗಾಂಜಾ ವಶಪಡಿಸಿಕೊಳ್ಳಲಾಗಿದ್ದು, ಜೂ.11 ರಂದು ಸ್ಟ್ಯಾಂಪ್ ರೂಪದಲ್ಲಿ 840 ಎಲ್ಎಸ್ಡಿ ಡ್ರಗ್ಸ್ಗಳನ್ನು ವಶಪಡಿಸಿಕೊಂಡು, ಜೂ. 3 ರಂದು ಅಂದಾಜೂ 10.20 ಲ.ರೂ. ಮೌಲ್ಯದ 170 ಗ್ರಾಂ. ಎಂಡಿಎಂಎಯನ್ನು ವಶಪಡಿಸಿಕೊಳ್ಳಲಾಗಿತ್ತು.
ಇನ್ನು ಮಂಗಳೂರು ಪೊಲೀಸ್ ಕಮೀಷನರೆಟ್ ವ್ಯಾಪ್ತಿಯಲ್ಲಿ 2021ರ ಜನವರಿಯಿಂದ ಜೂ.15 ರವರೆಗೆ ಡ್ರಗ್ಸ್ ಸಂಬಂಧಿಸಿ 209 ಪ್ರಕರಣಗಳು ಪತ್ತೆಯಾಗಿದ್ದು, 288 ಮಂಯನ್ನು ಬಂಧಿಸಲಾಗಿದೆ.
ಕಳೆದ ವರ್ಷ 2020ರಲ್ಲಿ 189 ಪ್ರಕರಣಗಳಲ್ಲಿ 255 ಮಂದಿಯನ್ನು ಬಂಧಿಸಲಾಗಿದ್ದು, 204 ಕೆಜಿ ಗ್ರಾಂ 414 ಗ್ರಾಂ ಗಾಂಜಾ, 62.700 ಗ್ರಾಂ ಎಂಡಿಎಂಎ ಟ್ಯಾಬ್ಲೆಟ್, 26.850ಗ್ರಾಂ ಹಶಿಶ್, 2.4 ಗ್ರಾಂ ಎಲ್ ಎಸ್ ಡಿ, 10.3.040 ಗ್ರಾಂ ಎಂಡಿಎಂ ಪೌಡರ್ ವಶಪಡಿಸಿಕೊಳ್ಳಲಾಗಿತ್ತು.