ಮಂಗಳೂರು, ಜೂ. 13 (DaijiworldNews/HR): ಮಂಗಳೂರು ನಗರ ಸೇರಿದಂತೆ ದ.ಕ ಜಿಲ್ಲೆಯಲ್ಲಿ ಈ ವರ್ಷ ಮಾಸ್ಕ್ ನಿಯಮ ಉಲ್ಲಂಘನೆ ಪ್ರಕರಣಗಳು 62,741 ದಾಟಿದ್ದು, ದಂಡ ಶುಲ್ಕ ವಸೂಲಿ ಮೊತ್ತ 73,65,417 ರೂ. ಗೆ ತಲುಪಿದೆ.
ಸಾಂಧರ್ಭಿಕ ಚಿತ್ರ
ಲಾಕ್ಡೌನ್ ಅವಧಿಯಲ್ಲಿ ಅನಗತ್ಯ ಓಡಟ ಹೆಚ್ಚಾಗಿರುವ ಹಿನ್ನಲೆಯಲ್ಲಿ ಜಿಲ್ಲಾಡಳಿವು ತಪಾಸಣೆ ತಾಣಗಳನ್ನು ಹೆಚ್ಚಿಸಿದ್ದು, ಇದರಿಂದಾಗಿ ದಾಖಲಾಗಿರುವ ಪ್ರಕರಣಗಳ ಸಂಖ್ಯೆ ಕೂಡ ಹೆಚ್ಚಾಗಿದೆ.
ದ.ಕ ಜಿಲ್ಲೆಯ ನಗರ ಸ್ಥಳೀಯ ಸಂಸ್ಥೆಗಳ ವ್ಯಾಪ್ತಿಯಲ್ಲಿ ದಾಖಲಾದ ಪ್ರಕರಣಗಳ ಸಂಖ್ಯೆ 3000 ದಾಟಿದ್ದು, 7 ಲಕ್ಷ ರೂ. ದಂಡ ವಸೂಲಾಗಿದೆ. ಮಂಗಳೂರು ಪೊಲೀಸ್ ಕಮಿಷನರೆಟ್ ವ್ಯಾಪ್ತಿಯ ಪೊಲೀಸರಿಂದ 11 ಸಾವಿರ ಪ್ರಕರಣ ದಾಖಲಾಗಿದ್ದು, 18 ಲಕ್ಷ ರೂ. ದಂಡ ವಿಧಿಸಲಾಗಿದೆ. ದ,ಕ ಜಿಲ್ಲಾ ಪೊಲೀಸ್ ವ್ಯಾಪ್ತಿಯಲ್ಲಿ 47000 ಪ್ರಕರಣ ದಾಖಲು ಹಾಗೂ 848 ಲಕ್ಷ ದಂಡ ವಿಧಿಸಲಗಿದೆ.
ಇನ್ನು ಎನ್ಡಿಎಂಎ ಕೇಸು 1 ಎಪಿಡೆಮೆಕ್ ಕೇಸು 1 ದಾಖಲಾಗಿದ್ದು, ಉಳಿದಂತೆ ದ್ವಿಚಕ್ರ, ಚತುಷ್ಚಕ್ರ ವಾಹನಸಹಿತ 93 ವಾಹನಗಳನ್ನು ವಶಪಡಿಸಿಕೊಳ್ಳಲಗಿದೆ.
ಮೋಟಾರ್ ಕಾಯ್ದೆ ಉಲ್ಲಂಘನೆಯ 97 ಪ್ರಕರಣಗಳು ದಾಖಲಾಗಿದ್ದು, 51,300ರೂ. ದಂಡ ವಿಧಿಸಲಾಗಿದೆ.