ಕುಂದಾಪುರ: ಕೋಟತಟ್ಟು ಗ್ರಾಮಪಂಚಾಯತ್ ಪೂರ್ಣಪ್ರಮಾಣದಲ್ಲಿ ಸೀಲ್ ಡೌನ್

•   Thu, Jun 10 2021 10:38:21 PM



• ಕೋಟ, ಜೂ. 10 (DaijiworldNews/SM): ಕೋವಿಡ್ ಏರಿಕೆಯ ಹಿನ್ನಲ್ಲೆಯಲ್ಲಿ ಮುಂಜಾಗೃತ ಕ್ರಮವಾಗಿ ಕೋಟತಟ್ಟು ಗ್ರಾಮಪಂಚಾಯತ್ ವ್ಯಾಪ್ತಿಯನ್ನು ಪೂರ್ಣಪ್ರಮಾಣದಲ್ಲಿ ಗುರುವಾರ ಸೀಲ್ ಡೌನ್ ಗೊಳಿಸಲಾಗಿದೆ.

  

  ಬುಧವಾರ ಬ್ರಹ್ಮಾವರದ ತಹಶೀಲ್ದಾರ್ ನೇತೃತ್ವದಲ್ಲಿ ಕೋಟತಟ್ಟು ಗ್ರಾಮಪಂಚಾಯತ್ ಸಭಾಂಗಣದಲ್ಲಿ ಲಾಕ್‍ಡೌನ್ ಮಾಡುವ ಕುರಿತು ಸಭೆ ನಡೆಸಿ ಆಯಾ ಭಾಗಗಳ ಜನಸಾಮಾನ್ಯರು ಸಂಚರಿಸುವ ರಸ್ತೆಗಳನ್ನು ಬ್ಯಾರಿಕೇಡ್ ಅಳವಡಿಸಿ, ಟೇಪ್ ಎಳೆದು ಬ್ಲಾಕ್ ಮಾಡಿ ಸೀಲ್‍ಡೌನ್ ಗೊಳಿಸಲು ನಿರ್ದೇಶನ ನೀಡಿದ ಹಿನ್ನಲೆಯಲ್ಲಿ ಕೋಟತಟ್ಟು ಗ್ರಾಮಪಂಚಾಯತ್ ವ್ಯಾಪ್ತಿಯ ಎಲ್ಲಾ ರಸ್ತೆಗಳನ್ನು ಬಂದ್ ಮಾಡಲಾಗಿದೆ.

  ಕಳೆದದೊಂದು ವಾರದಿಂದ ಪಡುಕರೆ ವ್ಯಾಪ್ತಿಯಲ್ಲಿ 48ಕ್ಕೂ ಅಧಿಕ ಕೋವಿಡ್ ಪ್ರಕರಣಗಳು ಬೆಳಕಿಗೆ ಬಂದ ಹಿನ್ನಲ್ಲೆಯಲಿ ಮುಂಜಾಗೃತ ಕ್ರಮವಾಗಿ ಪಂಚಾಯತ್ ಅಧ್ಯಕ್ಷೆ ಅಶ್ವನಿ ದಿನೇಶ್,ಅಭಿವೃದ್ಧಿ ಅಧಿಕಾರಿ ಶೈಲಜಾ ಎಸ್ ಪೂಜಾರಿ ನೇತ್ರತ್ವದಲ್ಲಿ ಕೋಟ ಆರಕ್ಷಕ ಠಾಣಾಧಿಕಾರಿ ಸಂತೋಷ್ ಬಿ.ಪಿ ಸಹಕಾರ ಪಡೆದು ಸೀಲ್ ಡೌನ್ ಪ್ರಕ್ರೀಯೆಗೆ ಚಾಲನೆ ನೀಡಿದರು. ಕೋಟ ಹೋಬಳಿ ಕಂದಾಯ ಅಧಿಕಾರಿ ರಾಜು,ಗ್ರಾಮ ಲೆಕ್ಕಿಗ ಚಲುವರಾಜು,ಪಂಚಾಯತ್ ಉಪಾಧ್ಯಕ್ಷ ವಾಸು ಪೂಜಾರಿ,ಸದಸ್ಯ ರವೀಂದ್ರ ತಿಂಗಳಾಯ,ಸಾಹಿರಾಬಾನು,ಸತೀಶ್ ಕುಂದರ್,ವಿದ್ಯಾ ಸಾಲಿಯಾನ್,ಪೂಜಾ ಪೂಜಾರಿ, ಸ್ಥಳೀಯರಾದ ರಂಜಿತ್ ಕುಮಾರ್ ಮತ್ತಿತರರು ಉಪಸ್ಥಿತರಿದ್ದರು.

  14ರವರೆಗೆ ಸಂಚಾರವಿಲ್ಲ, ಅಂಗಡಿ ಮುಂಗಟ್ಟು ಬಂದ್:

  ಕೋಟತಟ್ಟು ಗ್ರಾಮಪಂಚಾಯತ್ ವ್ಯಾಪ್ತಿಯ ಪೂರ್ಣಪ್ರಮಾಣದಲ್ಲಿ ಸೀಲ್ ಡೌನ್ ಗೊಂಡ ಹಿನ್ನಲ್ಲೆಯಲ್ಲಿ ಇದೇ ಬರುವ14ರವರೆಗೆ ಆಯಾ ಭಾಗಗಳ ರಸ್ತೆಗಳು ಸಂಚಾರದಿಂದ ಮುಕ್ತರಾಗಲಿವೆ. ಜನಸಾಮಾನ್ಯರಿಗೆ ಅಗತ್ಯ ವಸ್ತುಗಳನ್ನು ಕೊಂಡುಕೊಳ್ಳಲು ಗುರುವಾರ 12ರ ವರೆಗೆ ಅವಕಾಶ ಕಲ್ಪಿಸಲಾಗಿದ್ದು ಇನ್ನುಳಿದಂತೆ ಪಂಚಾಯತ್ ಸದಸ್ಯರು ಆಯಾ ಭಾಗದ ಮನೆಯವರಿಗೆ ಸರ್ವಿಸ್ ನೀಡಲಿದ್ದಾರೆ.