ಕಾರ್ಕಳ: ಅನಧಿಕೃತ ಮರಳು ಶೇಖರಣಾ ಕೇಂದ್ರಕ್ಕೆ ದಾಳಿ - 10 ಟನ್ ಮರಳು ವಶ

•   Thu, Jun 10 2021 03:27:04 PM



• ಕಾರ್ಕಳ, ಜೂ 10 (DaijiworldNews/MS): ಮರ್ಣೆ ಗ್ರಾಮದ ಅಜೆಕಾರು ಮಧುರಾಪಟ್ಟಣ ಬಸದಿ ಬಳಿ ಸ್ವರ್ಣ ನದಿಯಲ್ಲಿ ತಲೆ ಎತ್ತಿದ್ದ ಅನಧಿಕೃತ ಮರಳು ಶೇಖರಣಾ ಕೇಂದ್ರಕ್ಕೆ ಕುಂದಾಪುರ ಸಹಾಯಕ ಕಮಿಷನರ್ ನೇತೃತ್ವದಲ್ಲಿ ಇಲಾಖಾಧಿಕಾರಿಗಳು ಕಾರ್ಯಚರಣೆ ನಡೆಸಿದ್ದಾರೆ.

    

    

  ಘಟನಾ ಸ್ಥಳದಿಂದ ಪಂಪ್ ಅಳವಡಿಸಿದ ಡೈಜ್ಜಿಂಗ್ ಬೋಟ್, ಒಂದು ಟಿಪ್ಪರ್, 10 ಟನ್ ಮರಳು ಇದೇ ಸಂದರ್ಭದಲ್ಲಿ ವಶಕ್ಕೆ ತೆಗೆದು ಅಜೆಕಾರು ಠಾಣಾಧಿಕಾರಿ ಮತ್ತು ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯ ಅಧಿಕಾರಿಯವರಿಗೆ ಮುಂದಿನ ಕ್ರಮಕ್ಕಾಗಿ ಹಸ್ತಾಂತರಿಸಲಾಗಿದೆ.

  ಉಡುಪಿ ಜಿಲ್ಲಾಧಿಕಾರಿಯವರು ಹಾಗೂ ಅಪರ ಜಿಲ್ಲಾಧಿಕಾರಿ ರವರ ನಿರ್ದೇಶನದ ಮೇರೆಗೆ ಸಹಾಯಕ ಕಮಿಷನರ್ ಕುಂದಾಪುರ ಅವರು ಅಜೆಕಾರು ಹೋಬಳಿಯ ಕಂದಾಯ ನಿರೀಕ್ಷಕರು, ಕಾರ್ಕಳ ಹೋಬಳಿಯ ಕಂದಾಯ ನಿರೀಕ್ಷಕರು, ಮರ್ಣಿ ಗ್ರಾಮಕರಣಿಕರು, ಮರ್ಣೆ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಮೊದಲಾದವರು ಕಾರ್ಯಚರಣೆಯಲ್ಲಿ ಪಾಲ್ಗೊಂಡಿದ್ದರು.