ಮಂಗಳೂರು: ಮಹಿಳಾ ಅಧಿಕಾರಿಯನ್ನು ನಿಂದಿಸಿದ ಬಿಜೆಪಿ ಮುಖಂಡ - ಪ್ರಕರಣ ದಾಖಲು

•   Tue, Jun 08 2021 04:53:06 PM



• ಮಂಗಳೂರು, ಜೂ.08 (DaijiworldNews/HR): ಕರ್ನಾಟಕ ರಾಜ್ಯ ಜಲಮಂಡಳಿಯ ಮಹಿಳಾ ಎಂಜಿನಿಯರ್ ಅವರನ್ನು ಮಾತಿನಲ್ಲಿ ನಿಂದಿಸಿದ ಆರೋಪದಲ್ಲಿ ಬಿಜೆಪಿ ಮುಖಂಡರೊಬ್ಬರು ವಿವಾದಕ್ಕೆ ಗುರಿಯಾಗಿದ್ದಾರೆ.

  

  ಈ ಘಟನೆ ನಗರದ ಹೊರವಲಯದಲ್ಲಿರುವ ಮುಡಿಪುದಲ್ಲಿ ನಡೆದಿದೆ ಎಂದು ವರದಿಯಾಗಿದೆ.

  ಸ್ಥಳೀಯ ಬಿಜೆಪಿ ಮುಖಂಡ ಮತ್ತು ವೃತ್ತಿಯಲ್ಲಿ ವಕೀಲರಾಗಿರುವ ಬಿಜೆಪಿ ಮುಖಂಡ ಅಸ್ಗರ್ ಮುಡಿಪು ಅವರು ಮಹಿಳಾ ಎಂಜಿನಿಯರ್‌ನನ್ನು ನಿಂದಿಸಿದ ವ್ಯಕ್ತಿ.

  ಬಿಜೆಪಿ ಮುಖಂಡ ಅಸ್ಗರ್ ಅವರು ಮಾಡಬೇಕಾದ ಕೆಲಸದ ಆರ್ಡರ್ ನಕಲನ್ನು ತೋರಿಸುವಂತೆ ಕೇಳುವ ಮೂಲಕ ಎಂಜಿನಿಯರ್ ಅವರನ್ನು ಅವಮಾನಿಸಿದರು ಮತ್ತು ಕಾಂಗ್ರೆಸ್‌‌ನ 100 ಸದಸ್ಯರನ್ನು ನಿಭಾಯಿಸಲು ಬಿಜೆಪಿಯಿಂದ ಒಬ್ಬರು ಸಾಕು ಎಂದು ಬೆದರಿಕೆ ಹಾಕಿದ್ದಾರೆ ಎನ್ನಲಾಗಿದೆ..

  ಇನ್ನು “ನೀವು ಲಂಚ ತೆಗೆದುಕೊಂಡು ಸರ್ಕಾರದ ಹೆಸರನ್ನು ಕೆಟ್ಟದಾಗಿ ನಿಂದಿಸಿದ್ದೀರಿ. ಕಾಂಗ್ರೆಸ್ಸಿನ ಒಬ್ಬರು ಇಲ್ಲಿ ಹಳ್ಳವನ್ನು ಅಗೆದು ಮೋಸ ಮಾಡಿದ್ದರು. ನಾನು ನ್ಯಾಯಾಲಯಕ್ಕೆ ಹೋಗುತ್ತೇನೆ" ಎಂದು ಹೇಳಿದ್ದಾರೆ.

  ಮಹಿಳಾ ಎಂಜಿನಿಯರ್ ಕೂಡಲೇ ಕೊನಾಜೆ ಪೊಲೀಸ್ ಠಾಣೆಯಲ್ಲಿ ಬಿಜೆಪಿ ಮುಖಂಡನು ಅಶ್ಲೀಲ ಪದಗಳನ್ನು ಬಳಸಿ ಅವಮಾನಿಸಿದ ಪ್ರಕರಣವನ್ನು ದಾಖಲಿಸಿದರು.

  ಬಿಜೆಪಿ ಮುಖಂಡರು ನಿಂದಿಸಿದ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಶಾಸಕ ಯು.ಟಿ.ಖಾದರ್ ಅವರ ಅನುದಾನದಿಂದ ಕರ್ನಾಟಕ ರಾಜ್ಯ ಜಲಮಂಡಳಿ ಕೈಗೊಳ್ಳುತ್ತಿರುವ ಕಾರ್ಯಗಳಿಗೆ ಸಂಬಂಧಿಸಿದಂತೆ ಈ ಘಟನೆ ನಡೆದಿದೆ.