ಸುಳ್ಯ: ಜುವೆಲ್ಲರಿಗೆ ಕನ್ನ - ಇಬ್ಬರು ಆರೋಪಿಗಳ ಬಂಧನ

•   Sun, May 30 2021 09:40:26 AM



• ಸುಳ್ಯ, ಮೇ.30 (DaijiworldNews/HR): ಸುಳ್ಯದ ಜ್ಯುವೆಲ್ಲರಿ ಅಂಗಡಿಯಿಂದ ಇತ್ತಿಚೆಗೆ ನಡೆದ ಕಳವುಗೈದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಇಬ್ಬರು ಆರೋಪಿಗಳನ್ನು ಬಂಧಿಸಿದ್ದಾರೆ.

  

  

  ಬಂಧಿತರನ್ನು ಕೇರಳ ನಿವಾಸಿ ತಂಗಚ್ಚ ಯಾನೆ ಬಶೀರ್ (50) ಅಂಬಳೂರು ನಿವಾಸಿ ಶಿಬು (48) ಎಂದು ಗುರುತಿಸಲಾಗಿದೆ.

  ಬಂಧಿತ ಆರೋಪಿಗಳಿಂದ ಚಿನ್ನಾಭರಣ ಹಾಗೂ ಕೃತ್ಯಕ್ಕೆ ಬಳಸಿದ ಸೊತ್ತುಗಳನ್ನ ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

  ಇನ್ನು ದಕ್ಷಿಣ ಕನ್ನಡ ಜಿಲ್ಲಾ ಎಸ್ ಪಿ ರಿಷಿಕೇಶ್ ಭಗವಾನ್ ಸೋನಾವಾಲೆ ನೇತೃತ್ವದಲ್ಲಿ ಹೆಚ್ಚುವರಿ ಎಸ್ಪಿ ಭಾಸ್ಕರ , ಡಿವೈಎಸ್ಪಿ ಹಾನಾ ಪಿ. ಕುಮಾರ್ ಮಾರ್ಗದರ್ಶನದಲ್ಲಿ ಸುಳ್ಯ ವೃತ್ತ ನಿರೀಕ್ಷಕ ನವೀನ್ ಚಂದ್ರ ಜೋಗಿ, ಎಸ್ ಐ ಹರೀಶ್, ಅಪರಾಧ ವಿಭಾಗದ ಎಸ್‌ಐ ರತನ್ ಕುಮಾರ್ ತಂಡ ಮತ್ತು ಸಿಬ್ಬಂದಿ ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು.

  ಈ ಬಗ್ಗೆ ಸುಳ್ಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.